Diretór ezekutivu Programa Monitorizasaun Sistema Judisiária (JSMP) Luis Oliveira de Sampaio hateten lia hirak ne’e,  iha knaar fatin Kinta (02/08).

Luis esplika, kazu Lucia Lobato totalmente produsaun de provas, tanba iha julgamentu ne’ebé agora daudaun lao hela iha Tribunál Distritál Dili iha deit indikasaun katak, tenke hatan no simu responsabilidade.

Bainhira iha prosesu ne’e tribunál la hetan provas sufisiente katak nia komete krime, Tribunál sei absolve kazu ne’e.

Absolve atu nunee bele  prezunsaun ka rezumu, katak sala ka la sala ne’e depende ba  prezusaun de provas iha prosesu ne’ebé juis sira  avalia ho nivel envolvimentu ba artigu neebé akuza, ne’e iha ligasaun ho partisipasaun Ekonomiku nia hetan benefisiu duni ka lae.

Ida ne’e Tribunál sei konklui no halo desizaun, tanba  kestaun justisa no  legal ne’e tenke  bazeia ba  provas ne’ebé forte.

“Tribunál la kondena ema ruma ba faktus abstratus ida ne’ebé la konsege aprova iha Tribunál. Ministériu Públiku iha kompetensia atu lori kazu ne’e ba Tribunál atu nune’e Tribunál bele verifika. Bainhira Tribunál haree faktus sira ne’e mak la aprovadus, Tribunál bele absolve,” dehan Luis.

Nia mos fo hanoin katak, iha alegasaun neebe foin daudaun Ministériu Públiku husu ba Tribunál atu aplika pena Tribunál tinan 7 efetivu no selu indiminizasaun  ho montante $ 406,602, 48 durante tinan rua, tanba faktus provadus hotu no Ida ne’e alegasaun husi Ministériu Públiku.

Tanba iha Prosesu ne’e, hahu kedas iha Investigasaun husi Polisia, KAK no Ministériu Públiku tanba kazu korrupsaun, Ministériu Públiku dezenvolve ba akuzasaun, lori ba Tribunál.

Diretór nee haktuir liu tan, husi prosesu ne’ebé JSMP akompana, Tribunál sei iha duvidas barak ba akuzasaun ne’ebé mai husi Ministériu Públiku.

“Iha buat ida ami nota  katak, to’o agora Tribunál seidauk bele foti desizaun, tanba iha akuzasaun hateten, iha kompania  rua mak kaer obra ne’e. Ida deskonfia fó ba nia familia, maibé arguida rasik  husu ba Tribunál atu Ministériu Públiku aprezenta  arguida nia familia mai Tribunál hodi sai mos testamuna ba kazu ne’e,” tenik nia.