Ministru Prezidensia Konsellu Ministru, Fidelis Leite Magalhães hatete, Projetu Dekretu-Lei ida ne’e ho objetivu atu estabelese regra sira kona-ba ezekusaun Orsamentu Jerál Estadu tinan 2023. Tuir mudansa sira ne’ebé implementa ona iha tinan hirak liu bá iha ámbitu reforma jestaun finanseira públika.
Ne’ebé iha Diploma ne’e ho objetivu atu halo simplifikasaun ida ba prosedimentu ba ezekusaun orsamentál no fó ezekusaun ba faze dahuluk desentralizasaun funsaun pagamentu iha Diresaun-Jerál Tezouru ba ministériu no sekretáriu Estadu sira, ho objetivu atu fasilita ezekusaun Orsamentu Jerál Estadu husi servisu no entidade sira Setór Públiku Administrativu nian.
"Tuir mai konsellu Ministru mós aprova dekretu lei aprezenta husi Ministru Finansas kona-ba dekretu ezekusaun Orsamentu Jeral Estadu ba tinan 2023 nian," dehan nia, hafoin reuniaun Konsellu Ministru, iha Palasiu Governu, kuarta ne’e (11/01).
Governante ne’e dehan, hanesan tinan sira anterior ne'ebé ezekusaun halo tuir dekretu Governu ne'ebé haktuir ka halo tuir LEO no agora halo tuir fali via dekretu lei.
“Governu sei hato'o fali depois de aprova ohin no sei hato'o ba prezidente Repúblika, Proposta lei ba iha ezekusaun Orsamentu Jeral Estadu ba tinan 2023.
Entretantu, molok ne’e, Governu liu husi Ministru Finansas Rui Gomes iha loron 5 fulan-Janeiru 2023, Ministru Finansas, Rui Gomes halo abertura ofisiál ba sistema Government Resource Planning (GRP) ka FreeBalance hodi marka inísiu ezekusaun OJE 2023 ne’ebé mak hetan ona promulgasaun husi Prezidente Repúblika, José Ramos-Horta iha 21 Dezembru 2022.
