"Ami-nia proposta sujera ba parte aero atendimentu komersiais nian ita hapara temporariamente, aviaun sira atende de’it ba kazu emerjénsia. Hanesan transporte aimoruk no ekipamentus mediku ka privada mediku sira, asuntu sira ne'ebê ligadu Covid-19, maibé konsidera hanesan emerjénsia atividade kontinua lao nafatin,"dehan nia hafoin reuniaun Konsellu Ministru, iha CCD Sábado  (28/03).

Nia hatutan, kona-ba transporte maritima hapara ona, ró ne'ebé tula pasajeiru Oekusi no Atauru hapara temporariamente, nune'e mós ba transporte terrestre ninian hanesan transporte públiku no privadu.

Medidas hapara movimentasaun transporte públiku, tanba tuir Ministru ne’e katak, viruscorona ne’e fasil hadaet ba ema seluk ho distansia ne’ebé tuur besik malu. Hanesan pasajeiru sira iha karreta laran distansia metro ida difisil.

Tanba ne’e, rezolusaun governu ne’e oinsá distansia sosial ema ida ho ema seluk metro ida.

"Ha’u-nia sujestaun mak ne'e transporte públiku no privadu ita bele limita hodi hapara temporariamente semana rua ka tolu par ita bele hare'e Ministériu saúde hodi bele haree virus corona ne'e nia dimanika ne'e oinsá, dekretu governu nian mensiona,"dehan nia.

Maske governu hapara temporaria ba transporte terrestre no maritima, maibé Ministru José  relata katak, transporte Terrestre no Maritima ne'ebé tula nesesidade baziku kontinua la'o normal.

Agustinho husu ba hotu-hotu kontribui ba rozolusaun iha faze implementasun nian atu nune'e governu bele halo antendimentu ba viruscorona.