Ministru Obras Públika Salvador Eugenio Pires hatete, governu propoin ona atu fó subsidiu gratuita maibé daudauk ne'e sei iha faze diskusaun.

"Ami propoin fó subsidiu ba saneamentu no eletrisidade gratuita ba komunidade durante fulan ida," dehan ministru ne'e iha Sentru Konvensaun Dili, Sabadu (28/03).

Tuir nia, governu diskuti posibilidade ida ne'e tanba meius ida atu prevene Covid-19 mak distansia sosial.

"Se ema nafatin sosa pulsa eletrisidade no bee-moos nian ne'e kontaminasaun sei la prevene," dehan nia.