Sekretáriu Jerál CVTL, Luís Pedro Pinto hatete, Cruz Vermelha Timor-Leste hanesan auxilár husi governu ne'ebé hakerek iha direitu lei númeru 5 nia knaar mak atu bele servisu hamutuk autoridade relevante sira para bele haree kualker atividade saida de'it mak Cruz Vermelha Timor-Leste hodi bele atije metas ne'ebe iha.

"Relasiona ho vizitasaun sua santidade papa nia mai iha Timor, entaun iha semana kotuk liu ba Cruz Vermelha Timor-Leste hetan karta notifikasaun husi governu para Cruz Vermelha oinsá halo nia papél mós apoiu iha servisu umanitariu nian bele fo asistensia," dehan nia, iha knaar fatin Bairru-Formoza, horisehik.

Nia dehan, CVTL sei foka liu ba asistensia primeiru socorro tanba nia hanesan Organizasaun ida ne'ebé mak halo nia knaar mak  atu ajuda primeiru Socorro.

"Hanesan ita boot sira hatene iha Timor, Cruz Vermelha Timor-Leste sai hanesan Organizasaun ida ne'ebé mak halo nia knaar primeiru socorro aliende sira seluk tan, hanesan ativida sira ne'e servisu besik liu hamutuk ho Ministériu saúde, Ambulansia Nasionál no Autoridade protesaun sivil,".

Nia informa dadaun ne'e Cruz Vermelha Timor-Leste liu-liu Primeiru socorro sai ekipa ida ho Ministériu Saúde hamutuk ho parte siguransa hanesan Polísia Nasionál Timor-Leste no FALINTIL Forsa Defeza Timor-Leste para bele fo asistensia tantu iha tasi- tolu no mós iha Dili laran hotu.

"Ita boot sira hatene mós katak fatin ne'e, fatin konsenreadu husi Munisípiu ne'e fatin tolu, Hera, Kasnafa no Tibar, ida iha tibar mós ita nia maluk sira husi NTTL mai ne'e sei konsentra iha ne'ebá hotu, entaun ami kada Munisípiu ida ami nia edifisu iha ne'ebá no ami nia volutariu sira ne'e iha ne'eba  hotu"  nia informa.

Nia  haktuir Socorista sira husi Munisípiu sira asiste husi nivél nasionál to'o iha Munisípiu sira akompania to'o iha sentro konsentrasaun iha fatin tolu ne'ebé mak ohin temi ne'e sira la'o ain  tama too tasi tolu.

"Ida konsereteza ema sei barak, postu saúde ne'ebé mak iha Dili laran de'it hamutuk 50 postu, iha tasi- tolu sei iha 20 postu, depois mós iha Dili iha sorin -sorin ne'e mak hamutuk 30 postu " Nia haktuir.

Nia afirma kada postu ida-ida sei iha FALINTIL Forsa Defeza Timor-Leste no mós Polísia Nasionál Timor-Leste Ministériu Saúde Cruz Vermelha Timor-Leste no mós Autoridade Protesaun Silvi.

"Ami sei koloka hamutuk iha fatin sira ne'e, para oinsá bele fo asistensia ba ita nia prigriñus sira, asistensia saúde ne'e atu ba saida de'it, asistensia konsereteza hanesan Informasau ne'ebé ami mai husi Ministériu Saúde katak sei halo asistensia saúde ba iha Papa nia rasik,depois husi Embaixador sira no mós delegados husi Vatikanu, depois mós ita nia membru Governu sira inklui mós ita nia pregrinos sira ne'e " Nia haktuir.

Nia hatutan Cruz Vermelha Timor-Leste sei mobiliza nia ema hamutuk 500 hodi fo asistensia, ema hirak ne'e hotu Socorista maibé husi nasionál no Munisípi sira.

"La loos ami nai Socorista sira ne'e atu mai hotu maibé ami sei halo selesaun iha 5 poezia pessoas Socorista kada Munisípiu ida maibé ami hasae nia númeru ona ba 15 pessoas ne'ebé mak, 15 pessoas husi Munisípiu ida-idak lae, se mai hamutuk ho Dili no ami nia funsionáriu sira no iha Dili por volta 167 ne'ebé sira sei mai halo kompleta" Nia hatutan.

Nia esplika ema hirak ne'e iha koinesimentu o klean kona ba primeiru socorro, CVTL mós sei prepara tan sentina movel 20.

"Ema ne'ebé mak iha koinesimentu no informasaun kona ba primeiru socorro, aliende Primeiru socorro mós CVTL sei prepara Sentina públiku, Sentina ne'ebé bele movel atu bele uza tanba ema barak ida rua to'o sanulu ne'e ita la bele akomula ema hotu-hotu, entau CVTL hanoin katak bele reserva tan, iha sentina movel ne'e 20 para bele suporta ba iha sentina ne'ebé mak Instala ona husi MAE no mos Ministériu sira seluk" Ninia hatutan.

Aliende ne'e mós Cruz Vermelha Timor-Leste sei suporta mós tenda halo instalasaun ba fatin-fatin sira ne'ebé mak nessariu para atu bele suporta ba iha enventu ne'e.

"CVTL mós sei prepara karreta ne'ebé mak suporta ba Ambulansia Nasionál para tau aimoruk balun karik iha moras depois karreta sira ne'e mós sei tula ita nia volutariu sira hanesan Socorista sira para bele fatin sira ne'ebé mak ita determinadu ona, nune'e mós ami nia karreta balun sei monta toa ba karta leten kuado ita iha ne'ebá mak buat ruma ita bele kontrola entaun bele avizu liu husi buat sira hanesan ne'e " nia salenta.