Kordenador Forsa-Tarefa ba Prevensaun no Mitigasaun Surtu Covid-19, Rui Maria de Araújo liuhusi telekonferensia, sabdu ohin (27/3) informa, kazu sira ne’e relasaun ho kazu cluster anterior no ema ne’ebé husu pedidu atu sai husi serka sanitária husi Dili ba Munisipiu seluk.
Ho nune’e kazu detetadu husi munisipiu Dili hahú husi loron 7 to’o 27 fulan-Marsu 2021 hamutuk 318.
Ho baze ba informasaun ne’ebé ekipa konjunta rekolla fahe cluster 52, ni Postu Administrativu haat (4). Husi cluster 52 ne’e iha cluster 20 mak iha semana rua nia laran laiha kazu foun.
Iha fatin 8 mak némeru kazu elevadu hanesan BTN 3, Suku Madohi sei nafatin ho 11 kazu, Aldeia 30 Agostus, Suku Komoro 13 kazu, Aldeia 03, Suku Fatuhada 14 kazu, aldeia 20 setembru, Suku Bebonuk kazu 57, aldeia metin 1, Suku bebonuk kazu 13, aldeia maucocomate, Suku Bekora kazu 18, aldeia tokobaru 2, Suku Kuluhun kazu 17, no kuarentena iha Dili laran rejultadu Sesta horsehik kazu 10.
Sabdu ohin iha cluster foun tolu iha aldeia 04, Suku Fatuhada iha kazu foun 2, no cluster foun seluk iha aldeia metin 2 iha kazu foun 1, iha cluster foun ida iha aldeia FHK, Suku Manleuana iha kazu foun 3.
Evulusaun surtu Covid-19 iha munisipiu Baucau iha kazu foun 2, nafatin hnasan horseik iha aldeia builai suku Buibau. Sira na’in 2 ne’e kontaktu besik ho kazu iha cluster hanesan.
Tanba ne’e iha Munisipiu Baucau iha kazu positivu hamutuk 26, iha cluster 7 laiha mudansa.
Dadus jeral kazu foun iha 28, rekuperadu 2, kazu ativu 324.
Husi kazu foun 28 iha mane na’in 15 no feto na’in 13, sintomatiku lijeiru hamutuk na’in 4 no laiha sintomas hamutuk na’in 24, sintomatiku moderadu iha na’in 3.
Husi horseik mai to’o ohin Laboratorium Nasional Saúde halo teste PCR hamutuk 611.
Inklui ona iha 252 ne’ebé husu pedidu autorizasaun esepsional sai husi serka sanitária Dili ba munisipiu seluk.
Total pedidu esepsional atu sai ou tama Dili horseik hamutuk 130, SIJK responde hotu, maibé iha 65 pedidu mak priense kriteriu tuir rezolusaun Governu nian.
Jornalista: Saturnina da Costa
Editor: Jose Sarito Amaral
