Tuir Kordenador Forsa Tarefas no Mitigasaun surtu Covid-19 iha Timor-leste, Rui Maria de Arauju informa, kazu foun na’in 11 ne’e iha mane na’n 7 no feto na’in 4.

“Sira ne’e hotu la hatudu sintomas,” dehan nia iha telekonferensia iha CCD, (28/3)

Nia esplika, husi sabdu horseik mai ohin loron 28 fulan marsu, Laboratorium Nasional Saúde halo teste PCR hamutuk na’in 497, inklui ona sira ne’ebé hetan pedidu autorizasaun esepsional atu sai husi serka sanitaria  munisipiu Dili hamutuk na’in 196, no sira ne’ebé hetan pedidu esepsional atu tama no sai husi serka sanitaria hamutuk na’in 110.

Husi numeru ne’e 33  mak la prinse kriteriu rezulusaun governu nian.

Tuir dadus jerál sabdu horsehik nian kazu positivu Covid-19 na’in 28, rekuperadu 2, kazu ativu 324.

Husi total kazu foun horsehik ne’e, Dili na’in 26, no Baucau na’in 2.

Jornalista: Saturnina da Costa

Editor: Jose sarito amaral