Tuir Kordenador Forsa Tarefas no Mitigasaun surtu Covid-19 iha Timor-leste, Rui Maria de Arauju informa, ho baze ba evulusaun propagasaun virus iha cluster 54 sira ne’e, durante semana rua ikus sura husi loron 14 marsu 2021 ekipa konjunta deside atu deklara katak, iha cluster 11 ka hanesan ho 20% mak la ativu ona iha transmisaun virus.
“Tanba iha semana rua nia laran ona laiha kazu foun positivu, no sira ne’ebé kontaktu besik ho cluster ne’e halo rejultadu teste PCR dala rua negativu,”dehan nia iha telekonferensia iha CCD, (28/3).
Ho nune’e sei iha cluster 43 mak sei nafatin hatudu atividade hada’et tutan virus SAR-Cov 2.
Ekipa konjunta saúde sei nafatin monitor hodi buka tuir kontaktu besik sira ne’e hotu.
Tuir dadus jerál sabdu horsehik nian kazu positivu Covid-19 na’in 28, rekuperadu 2, kazu ativu 324.
Husi total kazu foun horsehik ne’e, Dili na’in 26, no Baucau na’in 2.
Jornalista: Saturnina da Costa
Editor: Jose Sarito Amaral
