Komandante PNTL Munisípiu Dili, superintendente Xefe Polisia, Orlando Gomes hateten, Komandu PNTL Dili sei antesipa, tanba lakleur tan Timor-Leste sei asiste Kopa Euro ne’ebé mak sei hala’o iha semana ida ne'e.
Nia dehan komandu mós hare hela situasaun sira ne'e, tanba hare iha pasadu kuandu iha fatin sira ne’ebé mak sira asiste iha layar ne'e dala ruma sempre mosu insidente balu, dala ruma mós ema sira ne’ebé mak kondús motor sira sempre kontra regra sira.
"Tanba ne'e mak ita fo hatene ona Komandante operasaun para halo planu patrulla ida ba fatin sira ne’ebé mak ita nia sidadaun sira asiste, ne'e para asegura halo di’ak, para ema hotu bele asiste, ita Polisia nafatin tau seguransa ho di’ak, para nune’e labele mosu insidente no asidente ruma durante Euro Cup ,"dehan Orlando ba Jornalista sira iha knaar fatin PNTL Kaikoli, Dili, (11/06).
Nia informa komandu kontinua antesipa no apoiu seguransa másimu ba iha fatin sira ne’ebé mak sira asiste iha layar ne'e, PNTL nafatin asegura.
Nia afirma, adeptu sira ne’ebé mak uza kanu resin PNTL sei la’o tuir nafatin Kódigu estrada nian, fo kompeténsiaba iha Polisia para halo Cheek Point no auto stop, kuandu hetan infrasaun ruma ne’ebé mak kontra regra aplika koimas ba sira.
Adeptus sira ne'ebé asiste kopa euro viola lei kondigu estrada ita nafatin fo sansaun tuir kódigu tránzitu nian ,” subliña nia.
Entretantu Kopa Euro tinan ne'e, sei realiza iha nasaun Alemaña hahú abertura jogu iha loron 14 fulan Juñu to'o Jullu mak remata.
