Prezidente CNJTL, Maria Dadi Magno lamenta asaun demonstrasaun ne’ebé la’o ho ambiente kalma, PNTL uza gás matan hodi sobu too mosu anarkizmu.

“Ita hotu iha lei nia okos sala dehan sala, no se mak loos, loos ita nian mak ne’e, ita lakohi lempar batu sembunyi tangan ita tenke hateke ita hotu sidadaun Timor- Leste ita hotu iha direitu atu partisipa prosesu konstrusaun Estadu ne’ebé tenke ho justu no dignu,” Maria lamenta.

CNJTL triste ho asaun membru PNTL kaer estudante inklui tiru gás matan ba estudante sira iha sala eskola.

“Horisehik ita hare katak asaun balun ita nia estudante alin sira ne’e ba iha aula no

Polisia tiru gás mata tama, ita hatudu saida ho asaun Polisia ne’e mak ita ladún kontente respeitu Instituisaun ida iha ninia autonomia rasik, nia lamenta.

Iha parte seluk, Reprezentante Estudante ba Asaun Demonstrasaun, Jenito Soares husu atu polisia husik fila fali estudante sira.

Nia dehan, maioria estudante sira ne’ebé PNTL kaer balun la hatene problema no balun envolve duni iha asaun demonstrasaun.

“Karreta ne’ebé maka rahun la'ós fatin ne’ebé ami halo manifestasaun tanba ne’e husu ba polisia labele kahur sasán ba malu manifestasaun no krime estraga karreta estadu iha fatin ne’ebé lahanesan tanba ne’e Polisia presiza analiza didi’ak maka halo kaptura sau ami la’ós kriminozu,” nia informa.

PNTL Munisípiu Dili hala’o ona investiga ba estudante 13 ne’ebé hetan ka’er hodi halo akuzasaun no tuir planu, Kuarta (23/07) ohin sei lori kazu ne’e ba Tribunál hodi hala’o primeiru audiénsia.