Atividade ne’e Plan International organiza hodi komemora loron mundiál labarik feto, ne’ebé kada tinan sempre selebra iha loron 11 outubru, nune’e bele fó oportunidade ba labarik feto asume kargu ezekutivu hodi hetan esperiénsia.
Iha biban ne’e, Cláudia Ximenes, apresia no orgullu, tanba organizasaun dezenvolvimentu no umanitária ne’e hili nia bele asume kargu nu’udar Presidente Conselho Imprensa.
“Obrigada ba Conselho Imprensa bele fó ona oportunidade ba ha’u, hodi foti pozisaun asumi kargu ne’e ho oras balun, hodi bele hatene papél CI,”dehan Cláudia ba Online INDEPENDENTE iha Conselho Imprensa , Kintal Boot , Sexta (08/10).
Tanba ne’e, nia parte dezafia CI atu kontinua promove komunikasaun sosiál ho di’ak liu tan, nune’e ema hotu bele kontribui buat ne’ebé di’ak no saudável bainhira halo interasaun ho rede sosiál, liu liu facebook, tanba daudaun ne’e ema uza rede sosiál hanesan fasilidade atu kompleta moris loron-loron.