Boxista Legendáriu Manny Pacquiao to'o ona Timor-Leste. Featured

By Ivonia Varela Setembru 28, 2023 1624
Boxista Legendáriu Manny Pacquiao husi Filipina to'o ona iha Timor-Leste iha oras 11:58 OTL ho Aviaun Citilink iha Aeroporto Internasionál Nikolao Lobato Comoro. (28/09). Foto:Media Sosial. Boxista Legendáriu Manny Pacquiao husi Filipina to'o ona iha Timor-Leste iha oras 11:58 OTL ho Aviaun Citilink iha Aeroporto Internasionál Nikolao Lobato Comoro. (28/09). Foto:Media Sosial.

DILI: Ohin loron 28 fulan-Setembro 2023, Boxista Legendáriu Manny Pacquiao husi Filipina to'o ona iha Timor-Leste iha oras 11:58 OTL ho Aviaun Citilink iha Aeroporto Internasionál Nikolao Lobato Comoro.

Tuir Observasaun Jornalista Online INDEPENDENTE iha terenu nota katak, bainhira boxista lejendariu Manny Pacquião tun husi Aviaun Citilink iha oras 12:06, komisaun organizador husi Ministeriu Juventude Desportu Arte no Kultura (MJdAK) hamutuk ho parte seguransa husi PNTL, entidade sira husi governu, Prezidente CDTL Macario F. Sanches no Kay-Olo mak simu Boxista refere.

Vizita Boxista Manny Pacquiao vizita Timor-Leste ba dahuluk, ne'ebé tara tais direita husi atual Primeiru Ministru Kay-Rala Xanana Gusmão nia oan mane Kay-Olo tuir kultura Timor nian.

Hafoin tara tais, liu minutu balun grupu baku babadok akompaña Boxista Legendáriu ho nia ekipa tama ba sala VIP iha Aeroporto Internasionál Nikolao Lobato.

Nune'e, iha Sala VIP liu minutu balun Boxista refere kontinua kedas viajem ba fatin deskansa iha Timor-Plaza Comoro.

Entretantu, tuir oráriu ne'ebé Komisaun Organizadora prepara, iha loron 29 fulan Setembro 2023, Boxista refere sei hasoru malu ho Primeiru Ministru Kay Rala Xanana Gusmão no Prezidenti Républika.

Ho nune’e, iha loron 30 fulan-Setembru, iha oras 09:30 to’o 10:30 otl sei halo enkontru ho MJDAK, iha nia Gabinete.

Nune’e. iha tuku 13:20 otl, Boxista Manny Pacquiao fila fali ba Filipina.

Rate this item
(0 votes)

Independente Digital TV

Tuir ami iha Twitter

Kalendariu Notisia

« May 2024 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31