Nia dehan, Prezidente Repúblika, José Ramos Horta, bolu ministra, vise ministra, diretór jerál, atu mai justifika kona-ba servisu relasaun sosiál liu-liu ba bolsa da mãe jerasaun foun ka bolsa da mãe universál.
"Entaun ami tenke atu halo definisaun ne'e atu rona na'in sira bele hatene katak la taka bolsa da mae tomak, maibé bolsa da mae kondisionál ne'e tenke kontinua, se karik ita apoiu duni, maibé la'ós ona ho osan, ita apoiu pakote nutritivu ba inan isin rua kontinua la'o ita akompaña. Bainhira la'o di'ak, ita kontinua mas atu esplika de'it katak bolsa da mae jerasaun foun la prvee nia orsamentu iha 2024, ninia pagamentu sei remata iha fulan Dezembru 2023 atu esklarese ida ne'e ba Xefe Estadu," dehan nia, iha Palasiu Prezidensia Bairru-Pité, horisehik.
Tanba ne'e, mai esplika ba Xefe Estadu katak bolsa da mae jerasaun ka bolsa da mae universál nono governu konstituisionál iha ninia programa rasik, bainhira iha palku polítika Domingas Fernandes 'Mikato' nia bainhira sa'e palku nia esplika katak se governu CNRT mak manán bolsa da mae ida ne'e sei la kontinua.
Nia esplika, tanba ne'e mak nono governu konstituisionál la'ós atu hapara bolsa da mae tomak laiha, bolsa da mae ne'e iha rua ne'ebé aumezmu la'o hanesan, bolsa da mae kondisionál katak ba maluk vulneravel sira duni ne'ebé hahú kedas iha 2008 to'o agora VIII governu mai kontinua tan bolsa da mae jerasaun ka bolsa da mae universál.
Nia hatete, entaun tenke define no klarifika bolsa rua ne'e ba Prezidente Repúblika, iha mós parte ninia pozitivu iha mós faze estudu, tanba ne'e nono governu tenke halo estudu ida klean bele hala'o servisu ne'ebé labele dupla aumezmu tempu.
"Ami hatete, iha faze bee kontinua bolsa da mae kondisionál inkaixa mós maluk difisiensia sira ne'e horiuluk kedas 2008 bolsa da mae ida ne'e ita hala'o tiha ona, depois mak VIII governu kontinua tan bolsa da mae universál ka bolsa da mae jerasaun," hatete nia.
Entretantu, iha enkontru ne'e Prezidente Repúblika José Ramos Horta mós fó ideia ba MSSI, Xefe Estadu mós konkorda karik MSSI sei halo estudu ida klean tan akompañamentu hodi haree ninia kontinuasaun ba oin.
