Diretór Jeral MSSI Florensio Pina Dias Gonzaga hatete, total dadus benifisiariu Bolsa da Mãe Jerasaun Foun ba faze daruak nian ne’ebé mai husi Munisipiu haat mak hanesan, Kovalima iha benifisiariu hamutuk 3.898, Líkisa iha 3.828 benifisiariu, Manatuto iha 2.719 no Vikeke iha 2.809 benifisiariu.
"Ita organiza ona dadus hotu-hotu no tuir informasaun husi tékniku sira iha Diresaun sira katak, iha loron neen fulan-Juñu ofisialmente sei halo lansamentu ba pagamentu refere,”dehan nia iha knar fatin, segunda (29/05).
Nia hatutan, orsamentu ne’ebé aloka ba iha benifisiariu Bolsa da Mãe Jerasaun Foun ba munisipiu haat ne’e hamutuk dolar amerikanu $290.890.
Entertantu, total aplikante ba BdF-JF tinan 2023 husi munisipiu hitu ne'ebé rejistu ona iha MSSI hamutuk 42.737 ne'ebé kompostu husi inan isin-rua 7.196, labarik 35.375 no labarik defisiénte hamutuk 166.
