Diretór Jerál MSSI Florensio Pina Dias Gonzaga hatete, pagamentu ba BdM-JF hahú husi fulan-Janeiru to'o Marsu, benifisiariu husi Munisipiu Ainaru hamutuk 8.960, Bobonaro 10.704 no Rejiaun Administrativa Espesial Oekussi Ambeno (RAEOA) 16.821.
"Pagamentu ba BdM-JF ba Munisipiu tolu la'o hela, iha tinan ida ne'e nia ita hahú husi Janeiru to'o Marsu," dehan nia iha knar fatin, Kaikoli, Dili, segunda (29/05).
Nia hatutan, pagamentu ba fulan-Abril ho Maiu iha hela prosesu nia laran no dadaun ne’e prosesa ona ba iha ekipa pagamentu hodi hein prosesu pagamentu.
Enkuantu, orsamentu ne'ebé selu ona ba benifisiariu hamutuk 38.485. hamutuk montante dolar amerikanu $1.332.865, kompostu husi Munisipiu Ainaro $263.355, Bobonaro $567.985 no RAEOA $501.525.
