Nia dehan, tuir akordu kooperasaun, Banku Nasional Komersiu Timor-Leste (BNCTL-Sigla Portugués) mak sei responsabiliza ba pagamentu refere.
“Benefisiariu ne'ebé atu asesu ba pagamenntu refere, tenke halo kompleta dokumentus hanesan, billete identidade no eleitoral. Agora munisipiu rua ne’e dadus iha ona, hein deit halo kompleta dokumentus ne’ebé ha’u temi, hafoin halo pagamentu,”dehan nia ba Online INDEPENDENTE, iha knar fatin, MSSI-Kaikoli, sesta ne’e (16/09).
Nia hatutan, pagamentu ba benifisiariu sira iha Rejiaun Administrativu Espesial Oekuse Ambeno (RAEOA), halo ona iha fulan-Jullu, hafoin Govenu halo lansamentu ba benifisiariu sira, iha munisipiu Ainaro, iha fulan-Juñu tinan ne’e.
Nune’e, ba munisipiu Ainaro, tuir lolos halo ona pagamentu, maibé benifisiariu sira nia dokumentus seidauk kompletu liu-liu billeti identidade, tanba ne’e mak seidauk halo pagamentu.
Ho nune’e, MSSI hato’o ona karta pedidu ba Ministeriu Justisa atu resolve situasaun hirak ne’e.
“Ha'u la bele temi, bainhira mak halo pagamentu ba benefisariu sira iha munisipiu rua ne'e, maibé ita husu ona Ministeriu Justisa atu bele fasilita,”nia dehan.
Entretantu, tuir dadus, benifisiariu sira husi munisipiu tolu ne’ebé atu asesu ba programa Bolsa da Mãe Jerasaun Foun, hamutuk 12.648, kompostu husi RAEOA na’in 5.477, Ainaro 3.464 no Bobonaro na’in 3.707 ho nia orsamentu hamutuk dolar amerikanu rihun $244,365.
