Tuir komanikadu ne’ebé online INDEPENDENTE asesu katak Memorandum Entendimentu ne’e ninia objetivu mak atu apoia no operasionaliza implementasaun Roteiru Dezenvolvimentu Merkadu Habitasaun Timor-Leste 2025–2028, ne’ebé aprova ona husi Governu. Inisiativa ida-ne’e atu rezolve bareira xave sira ne’ebé limita asesu ba finansiamentu abitasaun no habelar oportunidade atu asesu ba mikrofinansa ba uma, liuhosi koordenasaun polítika, reforma legál no institusionál, no mós fortalese setór finanseiru nasionál.

Iha nia intervensaun durante serimónia assinatura, Governador BCTL, Hélde Lopes, destaka importánsia estratéjika parseria ne’e ba dezenvolvimentu ekonomia no setór finanseiru Timor-Leste.

“Implementasaun roteiru ne’e sei kontribui ba objetivu importante tolu: (1) hakbiit no dezenvolve merkadu finansiamentu habitasaun, inklui merkadu ipoteka, ho objetivu atu aumenta rásiu empréstimu ba PIB hosi 36% ba 75% iha tinan hirak oin mai; (2) hadi’a kondisaun abitasaun povu Timor-Leste nian, hodi aumenta asesu komunidade nian ba uma ne’ebé di’ak, seguru no apropriadu, kontribui ba hasa’e kualidade moris no bem-estar sosiál; (3) hakle’an sistema finanseiru nasionál, liuhosi dezenvolvimentu ekossistema finanseiru ne’ebé modernu no inkluzivu, ne’ebé bele promove inovasaun, atrai investimentu, no kria kondisaun favorável ba inisiativa finanseira foun sira, inklui estabelesimentu merkadu kapitál iha future,” Haktuir Governadór BCTL, Hélder liu husi komunikadu.

Purtantu Memorandum Entendimentu hala’o iha 12 junu 2026,  iha Sala Enkontru BCTL, Díli.