“Atu nune'e bele proteje ba rai Dili sai matak, tanba ne’e Asosiasaun Santalum hamutuk ho Sekretariu Estadu no Floresta lansamentu kuda ai-oan hamutuk 300,” DiretórAsosiasaun Santalum, Adolberto ba Jornalista sira, iha João Paolo II, Tasi-tolu, Sexta (15/12).
Nia dehan, Asosiasaun Santalum apresia nafatin ba Empreza Santos liu husi projeitu Bayu-Udang ne'ebé tina-tinan sempre tau atensaun nafatin ba dezenvolvementu reflorestasaun iha Timor-Leste.
“Ami agradese ba Sekretáriu Estadu no Floresta ne'ebé hahú husi Diresaun Nasional Floresta to'o ohin loron no iha rasik Sekretariu Estadu no Floresta tina-tinan sempre apoiu mai ami liu husi rekomendasaun,” Nia hatete.
Nia afirma, projeitu ne'e mos hamosu buat barak, maibé iha tinan ida ne'e vizita husi tribunal de kontas mai hateten tuir kona-ba lei área protejida iha Tasi-tolu, tanbá ne'e Asosiasaun Santalum hamutuk ho Empreza Santos responde foti kedas detallu husi tribunal de kontas.
“Tribunál de kontas sai hanesan dadus, hare'e katak aktividade ne'ebé hetan fundus husi Santos bele tama iha sistema legalidade ida husi Estadu Timor-Leste,” Nia relata.
Nia reforsa, liu-liu Diresaun Jerál floresta, da-ruak vizita husi Ministériu Planeamentu no Investimentu, tanbá asosiasaun Santalum fatin iha tasi-ibun no sira hakarak kria sistema ida iha kapitál Dili ne'ebé sira hanaran floresta urbana.
Iha fulan hirak liu-ba Liña Ministeriais balun, tanbá sira iha diskusaun balun iha Korea-Súl ne'ebé fasilita husi KOICA, atu oinsá bele kria treinamentu floresta urbana iha sidade Dili.
“Asosiasaun Santalum hare'e liu ba tékniku, ne'ebé problema kona-ba dadus, maibé hetan vizita husi Sekretáriu Estadu Toponomia, tanbá ladún iha dadús hanesan Sekretariu foun ida,” Nia relata.
Nia hatutan, asosiasaun hala'o aktividade área reflorestasaun hetan legál husi Governu liu husi Diresaun jerál floresta, Kafé planta indústria ho Sekretáriu Estadu no Toponomia apresia ba Asosiasaun Santalum ho Empreza Santos liu husi projeitu Bayu-Udang.
“Hakarak dezenvolvimentu reflorestasaun iha Timor-Leste tenke konta ho Asosiasaun Santalum halo bei-beik, maibé nei-neik, ho rezultadu fiar aan komesa la'o ba oin ona, hare'e rasik iha foho leten la’ós kuda de’it, maibé ami halo protesaun,” Kata nia.
Nia reforsa, iha área Tasi-tolu kada tinan fó prioridade, dentru tinan 16 laiha ema ida sunu, liu-liu iha areadores 23 ektares nia laran, maibé fatin seluk Asosiasaun Santalum iis la to’o hodi kontrolu ba rai protejida.
“Ami-nia ema sira iha ne'e la to'o edukasaun a'as, depois fo esplika ba dekreitu lei ruma vigór husi governu liu husi Diresaun Jeral Floresta, maibé sira so fó esplika kona-ba ai-oan ne'ebé kuda ona iha protejida,” Nia informa.
Nia fundamenta, durante ne'e halo seguransa horas 24 no sira nunka fila ba uma ne'e signifika Asosiasaun Santalum hadomi tebes natureza ida -ne'e, no Empreza Santos la taka nia odamatan durante tinan 16 ona ba Asosiasaun ida-ne'e.
“Ami apresia ba projeitu Bayu-Udang tina-tinan nunka fo tarjet mai ami, ne'ebé tinan-tinan proposta ho relatoriu hatama ba Bayu-Undan, nune'e ami esforsu maka'as nafatin, depois halo la sai la’ek ida, maibé bele aproveita ona,” Kata nia.
