Maibé, Sekretariu Estadu Protesaun Sivil liu husi Autoridade Protesaun Sivil seidauk bele fó apoiu rekopersaun, tanba ekipa sira sei halo identifikasaun ba uma-kain 500 ne’e, hodi identifika uma hira mak tama iha kategoria aat kaman, aat naton no aat total hodi bele hetan apoia rekoperasaun.
“APC seidauk fó apoiu rekoperasaun, tanba ekipa tékniku husi Autoridade Protesaun Sivil sei halo reverifikasaun fila-fali hodi identifika uma ida ne'ebé mak kategori ba rekoperasaun nian,”dehan nia iha salaun APC, Kaikoli, segunda (13/03).
Tuir nia, iha munisipiu balun mós seidauk hetan apoia emerjensia ho razaun tanba dalan aat no tranporte la to'o.
Maibé nia dehan, kuandu dezastre naturais akontese ekipa APC sira tun kedas hodi fó apoiu emerjensia no hare katak sira nia uma hetan estragus duni.
Nune’e, bainhira ekipa sira tun fila-fali ba halo reverifikasaun vítima sira hela fali ona iha nia uma.
"Ezemplu hanesan inundasaun ne'ebé akontese iha RAEOA, bainhira ekipa tun fó apoiu emerjensia, sira nia uma bee nakonu no labele hela, maibé bainhira bee maran ona no uma di'ak hela entaun ne'e, labele hetan ona apoia rekoperasaun,”hakotu nia.
Nia haktuir, ba vitima sira, dadauk ne'e ekipa husi APC sei halo reverifikasaun no tempu badak sei fó sai uma hira mak tama iha kategoria apoia rekoperasaun nian.
