Mudansa rejimentu ne’e hetan hetan reasaun makaas husi partidu opozisaun CNRT no PLP. Tuir sira laiha benefísiu bainhira alarga tan kompozisaun meza parlamentu nasionál nian.

Ne’e duni, Presidente Bankada PLP, Fidelis Magalhães, husu Parlamentu Nasionál atu halo klarifikasaun ba funsaun meza Vise-Prezidente Parlamentu Nasionál III no IV.

Alende ne’e, partidu CNRT mós deside hodi lakohi atu envolve-aan iha meza Parlamentu Nasionál nian bainhira hetan konfiansa husi bloku koligasaun hodi prienxe fatin hirak ne’e.

Hataan be kestaun ne’e, Prezidente Parlamentu Nasionál, Aniceto Guterres, hateten, Parlamentu Nasionál sei halo alterasaun ba rejimentu oinsá atu bele aumenta tan Vise-Prezidente Parlamentu Nasionál III no IV.

Nia hatutan, laiha lei ida atu limita numera Vise-Prezidente Parlamentu Nasionál, maibé rejimentu mak dehan Vise-Prezidente ne’e na'in rua, tanba ne’e atu aumenta tenke halo alterasaun ba rejimentu ne’e.

Nia hatutan, alargasaun meza parlamentu nasionál ne’e nia implikasaun ba orsamentu estadu, maibé laiha demokrasia ne'ebé baratu iha rai hotu. Presiza partidu sira ne'ebé hetan asentu iha parlamentu nasionál hetan envolvimentu iha kompozisaun meza.

“Rejimentu ko’alia hanesan ne’e, se CNRT ho PLP sira hakarak envolve”, dehan nia iha Uma Fukun PN, horisehik.

Nia esplika, reprezentativa iha meza PN ne’e polítika mak define, katak presiza ka la presiza. Tanba, iha rai barak adopta hanesan ne’e atu bankada hotu bele envolve meza hodi vise sira ne’e hanesan fatin atu prezidente bele konsulta.