Prezidente Bankada PD, Mariano Assanami Sabino dehan, iha prinsipiu PD kontra bainhira trata Rejiaun Autonomu Espesial Oekusse Ambeno (RAEOA) hanesan ho munispiu sira seluk.
“PD la aseita hatun (RAEOA) nia estutu ne’e hanesan munisipiu seluk. Tanba ne’e mak PD kontra tanba la tuir kontitusaun,” dehan Assanami iha PN, Segunda (15/07).
Nia dehan, Konstituisaun RDTL fó dalan katak bainhira nia estatutu espesial tenke trata hanesan mós.
“Agora problema atu troka malu ne’e buat seluk, ne’e governu nia kompetensia, maibé estatutu ne’ebé mak nia nu’udar zona espesial no mos zona sosial merkadu ne’e nia tratamentu tuir duni konstitusaun haruka”.
Kona-ba kompetensia atu fó posse ba Prezidente Autoridade RAEOA, Assanami dehan, tenke PR atu nune’e bele iha autoridade hodi jere buat ruma ne’ebé mak boot.
“Tanba Prezidente Republika mak fó tomada posse ba ministru no sekretariu estadu, ba orgaun seberanu seluk, RAEOA-ZEESM labele trata hanesan institusaun governu nian hanesan media RTTL see mak lantik? ne’e ministru sira.”
