Nune’e, tuir planu eventu ne'e realiza iha fulan-Maio, tinan ne'e. Tanba ne'e husu ba grupu banda muzika iha Teritoriu laran tomak atu prepara-aan hodi partisipa iha Kompetisaun refere.
Prezidente Komisaun Organizadora LIKURAI Timor, Sérgio "Aseu" de Deus hatete, ALMAMOR hanesan asosiasaun ida ne'ebé parseria ho governu, hodi tau konfinsa ba Komisaun Organizadora LIKURAI Timor atu organiza atividade sira ne'ebé sai planu anual tinan 2025 ALMAMOR nian.
“Komisaun ida ne'e hetan konfiansa husi ALMAMOR iha fulan Dezembru hodi komprimenta ba planu asaun anual ne'ebé mak define programa haat importante hanesan kompetisaun ba koremetan depois mak diskursu publiku ho aniversáriu ALMAMOR nian no ikus liu mak tamu/tima,”dehan Prezidente Komisaun Organizadóra LIKURAI Timor liu husi konferensia imprensa ne’ebé hala’o iha Sede Komisaun Organizadora LIKURAI Timor, Farol, Dili, sabado ne’e (08/03/25).
Ba preparasaun kompetisaun ne’e, Prezidente KO hatutan, komisaun LIKURAI Timor hahú husi fulan Fevereiru servisu hamutuk hodi hamosu konseitu ida ne'ebé mak atu realiza, katak atu valoriza no prezerva Múzika kultura Timor nian hodi kontribui ba identifika kulturál.
Nune’e, komisaun halo diskusaun hodi reprezenta hanoin hotu hodi hamosu proposta ida hahú husi introdusaun karakteristika atividade ho nia eskema estrutura no planu orsamentu.
"Ba grupu banda koremetan hotu iha munisipiu sira ne'ebé durante ne'e sira rona de'it informasaun no hein katak bainhira los mak komesa, tanba ne'e ba maluk sira ne'ebé hamahan an iha banda kometan, komesa prepara-aan ona bá, tanba sekuensia sei to'o iha munisipiu no prograna mós sei realiza iha munisipiu,”tenik nia.
Prezidente Komisaun Organizadora akresenta, Kriteriu sira iha kompetisaun múzika koremetan nia mak hatais tais orijen kada munisipiu, aliened ne’e sei kanta múzika obrigatoriu husi komisaun eskluidu ne’ebé sei fó ba artista sira dezenvokve rasik ho lian materna kada munisipiu.
Enkuantu, dadauk ne’e Komisaun Organizadora LIKURAI Timor trasa orsammetu iha prosta ne'ebé sira konklui ona ne'ebé sei intrega bá Ministeriu Juventude Desportu Arte no Kultura (MJDAK) ne'ebé sei finansia ba programa hirak ne'e inkliu premio ba manan nain sira ho montante hamutuk rihun $60.
