“Hodikalan por volta oras besik 09:00, Autoridade Protesaun Sivil (APC) evakua komunidade aldeia Moris Foun, suku Komoro hamutuk uma kain 32 ho membru familia 123 ba fatin seguru, provizoriu iha edifisiu Unidade Espesial Kampu Baru-Komoro,”Online INDEPENDENTE sita iha komunikadu, domingo ne’e (09/03/25).
Vitima uma kain 32 ne’ebé afeitadu, kauza husi udan ho intensidade boot, ne’ebé akontese iha loron 8 fulan-Marsu. Nune’e mós kauza husi mota ne’ebé boot hodi tama ba komunidade sira nia uma.
Ho inundasaun ne'e implika ba komunidde sira-nia uma no sasan hetan estragus, kondisaun la parmite atu hela, ho nune’e APC halo kedas evakuasaun ba labarik, idozu, feto no inan isin rua iha edifisiu provizoriu UEPC.
Hafoin evakua, APC fornese kedas apoiu emerjénsia ba vitima sira.
