Tanba ema ne’ebé atu halo inspesaun liuliu ba iha Departamentu Meterolojia no Padronizasaun nian tenki hatene halo leitura ba aparellu sira ne’ebé uza.
“difikuldade ami nia mak kualidade rekursu umanu, hanesan ba iha metrolojia padronizasaun ema ne’ebé tenki hatene leitura ba iha aparellu sira ne’ebé uza no ida fali kuandu halo análiza ba risku ai-hán nia tenki iha duni metodu ema ne’e tenki treinadu mais ema baibain de’it labele halo servisu iha ne’ebá,” dehan Inspetór Jerál ba Jornalista sira iha Hudi-Laran Bairo-Pite, Tersa (02/07).
Nia dehan, AIFAESA eziste iha tinan 2016 to’o ohin loron, nune’e ba rekursu humanu mós bele sufisiente, maibé kualidade mak laiha, tanba ema ne’ebé durante ne’e hala’o servisu mai ho termu kontratu, bainhira kontratu remata rekursu umanu mos menus ona.
Tanba tuir nia, dadauk ne’e, funsionáriu husi Ministériu Koordenadór Asuntu Ekonómiku (MKAE), ne’ebé destakadu iha AIFAESA, parte AIFAESA nafatin ba fó formasaun kona-ba inspesaun nian. Tanba atividade inspesaun iha nia padraun rasik.
“Agora dadaun funsionáriu destakadu husi MKAE nia lubuk ida mai iha ne’e, ha’u tenki loron-loron fó formasaun, la’ós atu hanorin malu maibé nafatin fó formasaun tanba lala’ok inspesaun, tanba buat ida inspensaun ninia padraun ne’e iha,” dehan Inspetór.
Enkuantu, dadaun ne’e totál rekursu umanu iha ne’ebé hala’o servisu iha AIFAESA parte inspesaun hamutuk na’in 106, husi númeru ne’e, inklui ona administrasaun no finansas nian.