AIFAESA halo Inspensaun ba Produtu no Materiál Kontrusaun iha Díli Featured

By Ivonia Varela Jullu 02, 2024 648
Autoridade Inspensaun No Fiskalizasaun Atividade Sanitária no Alimentár, Institutu Públiku, (AIFAESA,IP), hala’o inspensaun ba loja aksesóriu no loja materiál kontrusaun iha kapitál Dili, (02/07/24). Foto:INDEPENDENTE. Autoridade Inspensaun No Fiskalizasaun Atividade Sanitária no Alimentár, Institutu Públiku, (AIFAESA,IP), hala’o inspensaun ba loja aksesóriu no loja materiál kontrusaun iha kapitál Dili, (02/07/24). Foto:INDEPENDENTE.

DILI: Atu garante kualidade no kuantidade produtu sira, Autoridade Inspensaun No Fiskalizasaun Atividade Sanitária no Alimentár, Institutu Públiku, (AIFAESA,IP), hala’o inspensaun ba loja aksesóriu no loja materiál kontrusaun iha kapitál Dili.

Inspetór Jerál AIFAESA,IP, Ernesto Monteiro hatete, inpesaun ne’e atu hare ba produtu aksesóriu no produtu materiál kontrusaun nia dokumentus negósiu no balansu sira ne’ebé atu termina nia kualidade no kuantidade.
“Ohin loron ami halo inspensaun ba iha produtu rua hanesan ema ne’ebé fa’an aksesóriu no osan mutin nomós ba materiál konstrusaun, ba inspesaun ba ohin nian mai husi Departamentu Operasaun no Metorolojia no Padronizasaun, kuantidade mak termina presu, por ezemplu ami hahu husi osan mean, aksesoria iha ne’e ba iha ninia dokumentu negósiu ninian ne’e fásil ema hotu hatene,” dehan Inspetór Jeral ba Jornalista sira iha Hudi-Laran Bairo-Pite, Tersa (02/07).

Nia dehan, husi aksesóriu no material sira ne’ebé fa’an iha loja, haree ba padraun meterolojia bazeia produtu nia todan/grama.
“Ida mak ohin ami halo inpensaun ami lori padraun meterolojia ninian ami halo inspensaun ami iha, ida seluk fila-fali aksesóriu sira balun mós sira tau ona ninia todan/grama hakerek iha surat tahan tau iha ne’ebé ninia verdade ne’e los ka lae,” katak Inspetór.
Kona-ba material sira ne’e, nia dehan, materia konstrusaun prejodika tebes ba ema ne’ebé sosa tanba bazeia ba inforasaun ne’ebé espalla katak balun hakerek iha nota besin beton ho nia medida dehan 12ml metro, maibé realidade ema lori ba uma lato’o 12 ml metro dalaruma to’o ml metro sanolu de’it ida pejudika tebes ba sosa na’in.
Iha biban ne’e, AIFAESA mós divulga informasaun ba loja na’in sira atu tau besi ida-idak ho nia medidas no nia observasaun atu nue’e bele fasilita públiku ne’ebé atu sosa materiál hirak kona-ba konstrusaun nian.
“Ida seluk, besik nia mahar mos lahenesan tan ne’e, AIFAESA hakarak loja na’in sira tenki hakerek hodi taka iha besi atu nun’e bele fasilita ema sosa na’in sira atu hare nia presu,” nia saleinta.
Entertanntu, inspensaun ne’e, inspetór sira foti de’it dadus, maibé karik mosu iregularidade ruma husi presu no kuatidade ho kualidade produtu ne’e orsida parte husi juriduku mak sei hare tuir lei ne’ebé iha.
Entretantu, loja sira ne’ebé aifaesa halo inspesaun mak hanesan, loja AksesoriaSun Rise Golden Shop Kolmera no loja Cahaya Pengadayan Kampu Alor, loja konstrusaun Novu Timor ho Ping Guo 99 Hudi-Laran Bairo-Pite.

Rate this item
(0 votes)
Last modified on Tersa, 02 Jullu 2024 18:12

Independente Digital TV