Inspetor AIFAESA.Ip, Ernesto Monteiro hatete, AIFAESA sei aselera lalais, tanba prosesu dezeñu ho BOQ remata ona no hein de’it ba prosesu tenderizasaun.
"Dezeñu no BOQ preparadu husi Ministeriu Obras Publiku (MOP), ne'e duni ohin ha'u organiza tekniku sira para bele komunika ho MOP no Ministeriu Finansa oinsá ne'ebe orsamentu aloka rihun $ 200 resin," dehan Ernesto Monteiro ba Jornalista sira iha salaun AIFAESA, Matadoru, (20/02)
Nia dehan,Laboratóriu ne'e esensiál tanba rehabilitasaun ne'e bainhira hotu mak foin parte husi Indonezia fó ekipamentu Labotariu mai TL.
Parte KBRI mós husu AIFAESA atu aselera lalais prosesu ne’e, tanba bele apoiu sira hodi haruka mai hodi funsiona uma laboratoriu.
"Ida ne'e dezeñu BOQ sei la’o hela prepara husi MOP agora hein de'it para ba tenderizasaun, maibé proposta ne'e ha'u sei hato'o ba Ministru para bele aprovasaun ba tenderizasaun," dehan nia.
Tanba Bainhira iha ona manan ba kompaña ida ne'ebe mak manan bele hahú ona rehabilitasaun hotu bele hatama ona ekipamentu sira husi apoiu ne'ebe Indonezia fo mai TL.
Tanba parte Indonezia sira mos sei apoiu asesoria ba utilizasaun sasan sira ne'e oinsa para bele Mellora servisu ba oin ho Tekniku Aifaesa nia iha terenu tanba Ekipamentu tekniku sira ne'ebe apoiu mak atu halo ezaminasaun ba produtus Ai-han sira ne'ebe mak ladun seguru ba ema.
Kona-ba Rekursu Utilizasaun ne'e parte husi Indonezia mos iha estudu kina-ba Kimiku,Biolojia no Saúde Mental ne'ebe mak durante ne'e funionariu sira kontratadu sira ne'ebe iha ona formasaun barak iha Xiña,Indonézia.
"Sira ne'e mak iha kapasidade ba laboratóriu sira preparadu hela maibé ha'u hato'o de'it katak sira rasik ami mos hatoo hela proposta katak Aifaesa mos MOU ho BPOM sira sei fasilita treinamentu balun mai Timor para bele apoiu ita nia tekniku sira ho di'ak,"dehan nia.
