Diretora Servísu Saúde Munisípiu Dili, Agustinha Segurado hatete, ai-moruk item 40 ne’ebé stock laiha ne’e, kompostu husi vitál iha item 7, esensiál 24 no nesesáriu 9.
“Agora dadaun ita-nia stock ai-moruk iha ne’e item 40 mak stock laiha kompostu husi vital esensial no nesesáriu, tanba ne’e ita labele responde ba preokupasaun fasilidade saúde sira nian iha Munisípiu Díli,” informa Diretora Agostinha ba jornalista sira iha Bairu Farmoza, Sesta (26/01).
Bainhira stock ai-moruk sira ne’ebé menus meius sira Servisu Saude Munisipiu Dili halo mak pedidu emerjénsia mak liga ba INFPN hodi husu aimoruk hodi prense ai-moruk sira ne’ebé menus.
"Ita liga direita ba iha Instituitu Nasionál Farmasia no Produtu Médiku (INFPM), husi ne’ebá mak halo distribuisaun, tanba ne’e bainhira ita-nia stock menus ami ba foti kedas no bainhira la iha, entaun sei iha prosesu loron rua ka tolu sei informa fali mai atu nune’e ita bele kompleta stock ai-moruk,"dehan nia.
Nia informa, husi ne’e bele nota katak, vitál 7, esensial aas liu no, maibé loro-loron nafatin follow up kontinua halo pedidu tantu liu husi online, maibé maioria ho kareta ba follow up, bainhira haree ba fatin-fatin mós prezisa ai-moruk.
Husi kategoria ne'e hatene ona katak, ai-moruk vitál ne'e importante loos, se vitál 7 ne’e, depois deklarasaun ho kompaña hanoin kuandu tarde oituan implikasaun sempre iha.
Nia esplika, Vital ne'e maka ai-moruk amoxilin, xarope, esensiál hanesan, tablet Hipertensaun, cotrimolizole, nesesáriu mak antasida, nune’e haree ba ai-moruk ne’e, vitál mak ema prezisa loos, hodi doutor sira presiza tebes apoiu ba iha tratamentu.
Iha sorin seluk, Xefe Sentru Saúde Formoza, Jaime dos Reis Belo informa, relasiona ho stock ai-moruk ne’ebé maka laiha, maibé la fó impaktu ba pasiente sira ne’ebé hala’o tratamentu iha Sentru Saúde Formoza.
“kestaun ida stock out ai-moruk ne’e sempre iha, ne’e laiha impaktu ba iha pasiente sira ne’ebé mai konsulta iha Sentru Saúde Formoza, pasiente kuandu mai ai-moruk sempre iha, ami atende ho di’ak maka sira fila, no la’ós ai-moruk iha sentru laiha ami haruka fila, ne’e seidauk akontese,” dehan nia.
Nia informa, ai-moruk sira ne’ebé atende ba pasiente sira mai konsulta iha Sentru Saúde Formoza, ai-moruk sei sufisiente, maske dadaun ne’e, ai-moruk iha teritóriu laran ai-moruk stock out.
“Kona ba ai-moruk stock out ne’e la’os premeira vez, ne’e komesa husi governu anterior mos stock out iha hela, ha’u Xefe Sentru Formosa iha 2009 to’o agora tin-tinan ai-moruk sempre stock out,”tenik nia.
Nia esplika, Bainhira ai-moruk balun mak laiha iha sentru refere, maibe iha ai-moruk seluk iha hodi bele taka fali ba ai-moruk sira ne’ebe laiha ne’e. Maibe ai-moruk sira provizoriamente atende ba pasiente sira atu mai konsulta ne’e iha, karik ai-moruk hanesan antibiótiku amoxilin, kotrimozole, ho ai-moruk sira seluk ida laiha, taka lai ida, hodi bele husu ba iha Munisípiu Díli depois ba iha INFPM atu sira bele fó mai hodi atende pasiente sira iha sentru saúde ne’e.
