Ho nune’e, FONGTIL konsidera, Governu implementa ona jestaun merkadu iha Kapital Dili no atividade negósiu seidauk la’o efikás no dinámiku.
Diretór FONTGIL, Valente Da Costa Pinto hatete, iha sidade Dili sai polémika ba parte relevante hotu, maibé asuntu refere tuir nia haree faktus ne'e ladun efikas ba jestaun ne’ebé aplika husi Presidente Munisipal Dili no Sekretariu Estadu Asuntu Toponomia no Urbana.
“Implementasaun jestaun Merkadu ka atividade negosio iha fatin negosio hotu-hotu iha sidade Dili laran seida’uk la’o ho efikas ho dinamiku," dehan nia ba Online INDEPENDENTE iha knar fatin, FONGTIL, Kaikoli, Dili, kuarta ne’e (31/01).
Nia hatutan, sidadaun sira ne'ebé hala'o negosio iha fatin públiku tenki nafatin iha sentimentu estadu no responsabilidade bainhira hala'o negosiu ruma iha fatin publiku no iha trotoar leten tenki kumpre dekretu lei ne’ebé estabelese ona.
Tuir nia, ho situasaun sira ne’e tanba kondisaun moris sidadaun sira-nia moris mak ezizi, hodi kontinua faan sasan iha trotoar leten.
Ho nune’e, FONGTIL husu ba Prezidente Autoridade Munisipiu Dili no Sekretáriu Estadu Asuntu Toponimia no Urbana, bainhira foti asaun ruma bazeia ba dekretu lei ne’ebé iha no tenke proporsional.
Atu nune’e, buat hotu nafatin la’o diak hodi kontribui ba dezenvolvimentu nasionál.
