Diretor Ezekutivu Aero Dili, Lourenço de Oliveira hatete, iha Feveiru tinan ne'e nia laran Aero Dili sei alarga nia operasaun hodi lansa rota aerea internasional foun entre Timor-Leste, Xina no Australia.
Empreza ne'e hetan ona aprovasaun semo husi Administrasaun Aviasaun Sivil Xina (CAAC, sigla ingles) no Autoridade Aviasaun Sivil Timor-Leste (AACTL, sigla portuges) hodi hahu vou dahuluk iha loron 14 Fevereiru 2025, rota ba Dili-Xiamen
"Fulan ida tangal 14 agora, ne'e nia hahu rote bá China no preparasaun la'o hela no australia mos ita hatama hela pedidu, maibé hein sira fo resposta. Rote ba china hetan ona lisensa husi Autoridade aviasaun Timor- Leste no China nian. Entaun fulan ida né'e Rote bá uluk china depois mak ba australia", dehan nia, iha kna'ar fatin,Timor-Plaza foin lalais.
Nia hatutan, rota foun ne'e hanesan marka istoria foun ida tan ba empreza, tanba iha loron 12 Maiu 2023 lansa ona rota internasional dahuluk ho bandeira Timor-Leste ba Indonezia.
"Tinan rua liuba ami halo inaugurasaun ba ami-nia aviaun dahuluk Airbus A320-232 no ami hahu semo ba Indonezia no Singapura. Tinan ne'e, ha'u-nia planu mak semo tan ba Xina no Australia", nia esplika.
Nia sublina, vou dahuluk husi Aeroportu Internasional Prezidente Nicolau Lobato Komoro ba Aeroportu Internasional Xiamen Gaoqi iha Xina ne'e sei hahu semo kada semana dala-ida hafoin mak aumenta ba dala-tolu iha semana ida.
Tan né'e, kona-ba sasemok direta ba Australia sei iha hela prosesu aprovasaun nia-laran, tanba la'os de'it hetan aprovasaun husi AACTL, maibe mos husi Autoridade Seguransa Aviasaun Sivil Australia (CASA, sigla ingles).
"Vou ba Australia nian ne'e sei iha hela prosesu, maibe ami tenta hetan akordu iha tinan ne'e hodi kompleta vou Dili Melbourne no Dili Darwin", katak nia.
Molok né'e, iha 12 Maiu 2023, Aero Dili lansa nia vou internasional dahuluk ne'ebe ajenda ona entre Dili-Denpasar/Bali, Indonezia, no daudaun fornese hela servisu aereu loroloron nian. Espansaun rota ba Singapura lansa iha Fevereiru 2024 ho orariu semo semana ida dala-ida iha loron sabadu.
Aviaun modelu A320 ne'e iha kapasidade transporta pasajeiru 180 no ideal mak 165 para sente konfortavel durante viajen. Aviaun ne'e mos halo vou domestiku entre Dili-Oekusi.
Marsu, aviaun airbus sei to’o TL
Aviaun foun husi kompania aerea Aero Dili ho modelu Airbus A319-100 sei semo da-huluk mai Timor-Leste iha meadu fulan Marsu tinan ida né'e.
Diretor-Ezekutivu Aero Dili, Lourenco de Oliveira, Informa katak, aviaun daruak husi empreza Aero-Dili ho Airbus A319-100 ho matrikula Four Whiskey - Alfa Alfa Oscar (4W-AAO).
Nia afirma, daudaun ne'e prosesu aviaun sei pinta hela ho bandeira Timor-Leste nian husi PT. Industri Pesawat Terbang Nurtanio (IPTN) Bandung-Indonezia
"Tuir kalendariu, Airbus A319 sei to'o Timor-Leste, mais tarde ihaMarsu tinan ne'e", dehan nia, iha kna'ar fatin,Timor-PLaza, foin lalais.
Director né'e hatutan, aviaun né'e hetan ona sertifikadu rejistu husi Autoridade Aviasaun Sivil Timor-Leste [AACTL,) iha Janeiru 2025.
Nia esplika katak, ho prezensa Airbus A319 ida-ne'e sei aumenta numeru aviaun Aero Dili ne'ebe halo aperasaun ho rota ba internasional iha Timor-Leste.
"Aviaun né'e to'o ninia rote da-huluk bá iha china, no suporta bá iha singupura, tanba ha'u hakarak loron ida nia semo dala-rua, dader dala ida no kalan, iha domingo kalan bele semo ou kuarta bele semo dadersan", nia esplika.
Nune'e, nia dehan, kona-bá pilotu no pramugari sira husi empreza Aero-Dili preparadu hotu ona hodi hein aviaun foun né'e.
"Tinan 20 resin aviasaun perkorre husi Timor-leste atu bá fali indonesia preparadu hotu formasaun rekursu bá ita-nia ema. Bain-hira aviaun foun né'e ita sei halo mos formasaun bá ita nia pramugari 22 no pilotu iha 3 no mekaniku iha tolu, no ita mos fo formasaun bá Governu nia ema para sai inspetor", nia esplika.
Nia hatutan, aviaun foun ne'ebé sei mai la persiza kompete ho aviaun seluk, tanba aviaun foun né'e fisku ona atu semo bá china no Australia, tanba ne'e la persiza kompete tan.
"Pasajeirus barak mak ita kompete, agora oituan de'it loron ne'e ,ita atu kompete halo nusa, entaun ita la persija kompete tan", nia dehan.
Tuir site ofisial husi Planespotters.net, Airbus A319 ne'ebe rejista hanesan 4W-AAO, nu'udar aviaun produsaun ida husi empreza Hamburgu (XFW) husi Alemana, ne'ebe antes ne'e na'in husi Xina Easthern Airlines ho numeru rejistu B-6231 dezde Jullu 2006 no ikus mai transfere ba Aeroportu Internasional Husein Sastranegara, Bandung, Indonezia iha loron 18 Janeiru tinan ne'e atu pinta.
Nia esplika, makina aviaun ne'e hanesan ho ida tuan, maibe ninia kapasidade tun uitoan tanba, tula paseiru entre 120.
Entretantu, Aero Dili iha antes ona aviaun seluk ho modelu tipu Airbus A320, ne'ebe uluk opera husi Bangkok Airways no hetan ona konfigurasaun atu tula pasajeiru hamutuk 162.
Aviaun ida-ne'e to'o iha Dili iha loron 20 fulan-Marsu finan 2023. Ninia prezensa halo istoria nu'udar aviaun komersial dahuluk ho bandeira Timor-Leste nian
Iha loron 12 fulan-Maiu 2023, Aero Dili nia Airbus A320 hahu halo nia vou internasional sira ne'ebe ajenda ona dahuluk, entre Dili - Denpasar/Bali, Indonezia. Iha Fevereiru 2024, aviaun ida-ne'e sei lansa mos nia rota internasional entre Dili - Singapura
