Diretór Ezekutivu ADTL, Cesário da Silva hatete, sesaun ida ne’e ADTL ho nia membru no parseiru sira hamutuk atu difini fali vizaun ADTL nian ba tinan ualu mai, saida mak ADTL bele halo hodi hatan ba prekupasaun ema ho defisiénsia nian iha Timor-Leste.
Ho nune’e, kestaun prinsipal ne’ebé atu diskuti mak orienta ba intervensaun ema ho defisénsia, aleinde, fator prevensaun atu tulun ba redusaun numeru ema sai defisénsia.
“Asuntu prioridade sira ne’ebé atu diskuti mak liliu iha setor intervensaun no prevensaun, oinsa mak ita bele halo, atu bele asegura ema ho difisensia iha setor oioin, liliu hatan ba ema ho defisiensia iha setor eduksaun, saude, empregu, justisa. Aleinde ne’e sei halo diskusaun klean ba kada tipu defisiensia, nesesidade no prekupasaun ne’ebé tipu defisiensia matan enfrenta”,dehan nia iha Salaun Orchid, Timor-Plaza, tersa (27/06/23).
Iha fatin hanesan Diretór Asosiasaun Defisiensia Fiar TL, José Frederico de Sous, apresia tebes ho ADTL nia planu estratejia ne’ebé sei hala’o diak liu tan iha future, liliu ba organizasaun sira ne’ebé tau matan bae ma ho defisiensia no sai hanesan inklusivu ba ema hotu.
Entretantu Sekretaria Protesaun Sosial no Igualdade Jeneru Felicity Erdington dehan, programa inkluzaun ba difisiensia importante tebes ba Australia nia programa dezevolvimento iha Timor-leste, tanba ne'e, sira kontinua servisu hamutuk hodi atinji metas ne’ebé iha katak sei la husik ema ida iha kotuk.
