PR Fila Hikas Ona Mai TL Hafoin Hala’o Vizita Estadu iha Alemaña Featured

By Ekipa INDEPENDENTE Juñu 28, 2023 465
Prezidente Repúblika José Ramos horta. Foto: INDEPENDENTE. Prezidente Repúblika José Ramos horta. Foto: INDEPENDENTE.

DILI: Prezidente Repúblika José Ramos horta ho delegasaun fila hikas ona mai iha Timor-Leste, hafoin hala’o vizita estadu ba nasaun Alemaña iha loron 24 fulan-Juñu 2023.

Iha Vizita ne’e, Xefe Estadu haktuir, asuntu ida mak hanesan importante liu Prezidente Repúblika lori ba Alemaña mak kooperasaun bilateral Alemaña ho Timor-Leste.

“Tanba tinan rua nulu nia laran liu ba, Alemaña ho parseiru importante ida, sira mak fó tulun ba hari ita nia setór marítima, la’ós deit oferese ró ahi nakroma, ne’e sein pursentu sira oferta, maibé mós halo formasaun ba ita nia ema sira iha setór planeamentu administrasaun jestaun iha transporte marítima”, dehan Xefe Estadu iha Salaun VIP, Aeroportu Nikolau Lobato Komoro, Dili (28/06).

Prezidente Repúblika hatutan, aleinde ida ne’e kooperasaun Alemaña mós uluk ho agrikultura liliu iha Natarbora, no seluk tan mak Governu no Prezidente rasik husu ba atu dada bee ba komunidade sira ne’eb’e seidauk asesu ba bee moos.

Maibé depois programa bilateral ne’ebé sira halo ne’e remata tiha iha fulan-Dezembru 2022, ne’e tuir sira nia planu kooperasaun bilateral tinan 20 iha setór ida ne’e.

Sira halo avaliasaun estratejia prioritariu ba Alemaña ne’e inklui ema ne’ebé tau konsentrasaun bilateral ba iha ne’ebé tanba problema boot liu mak iha kontinente Amerikanu.

Tanba sira Europa, sira mak hanesan liña frente simu refuziadus rihun atus ba atus, atu mai husi Afrika do Norte, entaun sira deside konsentra liu programa ba Afrika do Norte.

Xefe Estadu dehan, ba Timor-Leste kontinua apoiu mais liu husi Uniaun Europeia ho ajensia sira maibé la halo ona kooperasaun bilateral direitamente ho Governu.

“Maibé ha’u hahú kedas tinan kotuk liu ba ho Deputadu Alemaña sira ne’ebé mai vizita, hasoru ha’u iha fulan outubru 2022, ha’u hatete ba sira atu haree programa espesial oinseluk ida Alemaña ho Timor-leste, ida mak ne’e simu traballadór Timoroan ho pasaporte timorense, ne’e sira simu no konkorda”,

Tanba foin dadauk mós sai ona lei ida iha Alemaña no permite duni atu laiha diskriminasaun rai ne’ebé deit mak bele ba, hakarak haruka traballadór ba, mais tenki liu husi no kontratu kedas ho kompañia.

“Ne’e mak agora sei trata, primeiru sei hetan, laiha akordu formal ida ho Governu Alemaña, hein ke taun Timor-Leste halo parte iha programa ne’ebé haruka traballadór ho pasaporte timorense, maibé halo mós formasaun tekniku professional”.tenik Xefe Estadu.

Aleinde, iha vizita ne'e, Xefe Estadu mós husu atu tau matan ba eskola tekniku professional sira iha Timor-Leste atu haklean kurikulun eskola sira nian, hanesan iha Fatumaka no fó ekipamentu formasaun tekniku vokasional ne’e sei halo iha ne’e balun no balun sei halo iha Alemaña.

Rate this item
(0 votes)

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31