Diretór Ezekutivu ADTL, Cesário da Silva hateten, ADTL nia papel ida maka halo konsolidasaun ba Ema Ho Defisiénsia atu bele hola parte másimu iha festa demokrasia, liuliu iha eleisaun Parlamentár.
“Ita nia servisu ida mak halo dezeminasaun informasaun ba ema ho defisiensia sira atu partisipa másimu iha eleisaun Parlamentár hodi ezerse direitu maske iha situasaun ida-ne’e liuliu kondisaun sira iha sentru votasaun, ne’ebé iha limitasaun oioin. Maibé, ami nafatin enkoraza atu bele ba partisipa,” nia hateten via telephone, Kinta (13/04/2023).
Maneira ne’ebé ADTL uza hodi enkoraza Ema Ho Defisiénsia sira maka sensibilizasaun, hodi desimina informasaun ba organizasaun membru defisiénsia sira ne’ebé tau-matan ba Ema Ho Defisiénsia.
Maski Ema Ho Defisiénsia sira hasoru dezafiu oioin, maibé ADTL nafatin enkoraza sira, atu bele assesu ba eleisaun Parlamentár.
