Tuir komunikadu imprensa ne’ebé fó sai husi palasiu prezidensial iha Segunda (22/06) katak, iha 24 Juñu, tuku 16.30,  Prezidente Repúblika Francisco Guterres Lú Olo, sei fó posse ba membru Governu na’in 21 hodi kompleta estrutura governu konstitusionál daualu.

Ministru na’in 6 ne’ebé sei simu posse mak: Vise Primeiru Ministru ne’ebé sei kaer mós pasta Ministru Planu no Ordenamentu, Ministru Koordenadór Assuntus Ekonómikus, Ministra Negósius Estranjeirus, Ministru Edukasaun, Juventude no Desportu, Ministru Turizmu, Komérsiu no Indústria, Ministru Interior, no Ministru Petróleu no Minerais.

Ba Vise Ministru mak: Vise Ministru Negósius Estranjeiru no Kooperasaun, Vise Ministru Justisa, Vise Ministru Administrasaun Estatal, Vise Ministru Saúde, Vise Ministru Edukasaun, Juventude no Desportu, Vise Ministru Komérsiu no Indústria, Vise Ministru Turizmu Komunitáriu no Kulturál, Vise Ministru Agrikultura no Peskas, no Vise Ministru Interior.

Ba kargu Sekretariu Estadu mak: Sekretáriu Estadu Formasaun Profisionál no Empregu, Sekretáriu Estadu Kooperativas, Sekretáriu Estadu Peskas, Sekretáriu Estadu Juventude no Desportu, no Sekretáriu Estadu Protesaun Sivil.

Komunikadu husi palasiu prezidensial mós esplika katak, bazeia ba dekretu Lei  kona-ba Orgánika Governu,  ne’ebé Prezidente Repúblika promulga iha 18 Juñu 2020 no governu haruka  publika ona iha Jornal Repúblika iha 19 Juñu 2020, fó sai katak Governu Konstitusionál daualu konstitui ho Primeiru-Ministru, Vise Primeiru Ministru rua, Ministru Prezidénsia Konsellu Ministrus, Ministru Koordenador ba Asuntu Ekonómikus, Ministrus, Vise Ministrus no Sekretárius Estadu.

“Membru hotu-hotu ne’ebé halo parte VIII Governu sei partisipa iha serimónia ne’ebé hala’o iha Palásiu Prezidensiál Nicolau Lobato,” informa komunikadu ne’ebé jornal INDEPENDENTE asesu horseik.

Entretantu, tuir informasaun balun ne’ebé jornal INDEPENDENTE asesu, figura hirak ne’ebé mak sei asume kargu foun iha governu daualu mak hanesan: José Reis (FRETILIN) sei asume kargu Vise Primeiru Ministru no Ministru Planu no Ordenamentu; Joaquim Amaral (FRETILIN) sei asume kargu Ministru Koordenadór Assuntus Ekonómikus; Adalgiza Magno (FRETILIN) sei asume kargu Ministra Negósius Estranjeirus; Armindo Maia sei asume pasta Ministru Edukasaun, Juventude no Desportu; José Lucas da Silva sei asume pasta Ministru Turizmu, Komérsiu no Indústria; Ministru Interior; no Vitor Soares Ministru Petróleu no Minerais.

Figura hirak ne’ebé assume pasta Vise Ministru mak: Julião da Silva (KHUNTO) ba Vise Ministru Negósius Estranjeiru no Kooperasaun; Edmundo Caetano (KHUNTO) ba Vise Ministru Justisa; Lino Torrezão ba Vise Ministru Administrasaun Estatal;  Vise Ministru Saúde; António Guterres ba Vise Ministru Edukasaun, Juventude no Desportu; Domingos Lopes Antunes (FRETILIN) sei assume kargu Vise Ministru Komérsiu no Indústria; Inácia Teixeira ba Vise Ministru Turizmu Komunitáriu no Kulturál; Abílio Xavier de Araújo ba kargu Vise Ministru Agrikultura no Peskas, no Antonio Armindo (KHUNTO) Vise Ministru Interior.

Ba kargu Sekretariu Estadu mak: Alarico do Rosário (KHUNTO) ba Sekretáriu Estadu Formasaun Profisionál no Empregu; Elídio de Araújo ba Sekretáriu Estadu Kooperativas; Elizário Ferreira (Fretilin) ba Sekretáriu Estadu Peskas; Abrão Saldanha ba Sekretáriu Estadu Juventude no Desportu; no Joaquim José dos Reis Martins (KHUNTO) ba Sekretáriu Estadu Protesaun Sivil.

Ho posse ba faze daruak ne’e, signifika Primeiru Ministru Taur Matan Ruak sei lidera membru governu hamutuk na’in 43.

Tuir mai, Jornal INDEPENDENTE fó lista estrutura governu konstitusional daualu.

1. Primeiru Ministru, Taur Matan Ruak
2. Vise Primeiru Ministru no Ministra Solidariedade Sosial no Inkluzaun, Armanda Berta (KHUNTO)
3. Vise Primeiru Ministru no Ministru Planu no Ordenamentu, José Reis (FRETILIN)

Ministru:

1. Ministru Prezidensia Konsellu Ministru, Fidelis Leite Magalhães (PLP)
2. Ministru Konsellu Ministru no Komunikasaun, Francisco Zerónimo (FRETILIN)
3. Ministru Koordenadór Assuntus Ekonómikus, Joaquim Amaral (FRETILIN)
4. Ministru Finansas, Fernando Hanjam (FRETILIN)
5. Ministra Negósius Estranjeirus, Adalgiza Magno (FRETILIN)
6. Ministru Justisa, Manuel Cárceres da Costa (PLP)
7. Ministru Edukasaun, Juventude no Desportu, Armindo Maia
8. Ministru Ensinu Superior, Siênsia no Kultura, Longuinhos dos Santos (PLP)
9. Ministru Obras Públikas, Salvador Soares dos Reis Pires (PLP)
10. Ministru Transportes no Komunikasaun, José Agustinho da Silva (KHUNTO)
11. Ministru Agrikultura no Peskas, Pedro Reis (KHUNTO)
12. Ministru Petróleu no Minerais, Vitor Soares
13. Ministru Defeza, Filomeno da Paixão de Jesus
14. Ministru Interior ………………………………..
15. Ministru Turizmu, Komérsiu no Indústria, José Lucas da Silva
16. Ministru Administrasaun Estatal, Miguel Pereira de Carvalho (FRETILIN)
17. Ministra Saúde, Odete Belo  (FRETILIN)
18. Ministru ba Assuntus Kombatentes Libertasaun Nasionál, Julio Sarmento 'Meta Malik' (PD)

Vise Ministru:

1. Vise Ministra Finansas, Sara Lobo Brites
2. Vise Ministru Negósius Estranjeiru no Kooperasaun, Julião da Silva (KHUNTO)
3. Vise Ministru Administrasaun Estatal, Lino Torrezão
4. Vise Ministru Saúde Bonifácio Maukoli dos Reis
5. Vise Ministru Edukasaun, Juventude no Desportu, António Guterres
6. Vise Ministra Solidariedade Sosial, Signi Verdial (PLP)
7. Vise Ministru Obras Públikas, Nicolau Lino Freitas Belo
8. Vise Ministru Justisa, Edmundo Caetano (KHUNTO);
9. Vise Ministru Komérsiu no Indústria, Domingos Lopes Antunes (FRETILIN)
10. Vise Ministru Turizmu Komunitáriu no Kulturál, Inácia Teixeira
11. Vise Ministru Agrikultura no Peskas, Abílio Xavier de Araújo
12. Vise Ministru Interior, Antonio Armindo (KHUNTO)

Sekretariu Estadu:

1. Sekretáriu Estadu Formasaun Profisionál no Empregu, Alarico do Rosário (KHUNTO)
2. Sekretáriu Estadu Kooperativas, Elídio de Araújo
3. Secretáriu Estadu Ambiente, Demétrio do Amaral de Carvalho (PLP)
4. Sekretariu Estadu Komunikasaun Sosial, Merício Juvenal dos Reis Akara
5. Sekretariu Estadu Terras no Propriedades, Mário Ximenes
6. Sekretariu Estadu Juventude no Desportu, Abrão Saldanha
7. Sekretariu Estadu Artre no Kultura, Teófilo Caldas
8. Sekretaria Estadu ba Igualdade no Inkluzaun, Maria José da Fonseca Monteiro de Jesus
9. Sekretariu Estadu ba Assuntu Antigus Kombatentes ba Libertasaun Nasional, Gil da Costa Monteiro Oan Soru
10. Sekretariu Estadu Protesaun Sivil, Joaquim José dos Reis Martins (KHUNTO)

Sekretáriu Estadu Peskas, Elizário Ferreira (FRETILIN)