Xefe Seksaun Komunikasaun-APC, João de Sousa Filipe hatete, vitima hirak ne’e, Autoriedade Protesaun Sivil rejista iha munisipiu ualo (8) hanesan, Aileu, Ainaro, Atauro, Baukau, Bobonaro, Ermera inklui Rejiaun Administrativu Espesial Oekussi Ambeno (RAEOA).

"Uma ne'ebé anin-sobu hamutuk neen (6), no ahi-han uma uma kain neen (6)," dehan Xefe Sesaun iha Salaun Konferensia APS, Segunda (11/09).

Xefe afirma, vítima dezastre naturais hirak APS fó ona apoiu emerjensia, enkuantu ba apoiu rekoperasaun ekipa APS sei halo fila fali reverifikasaun hodi kategoriza.

Entertantu, sidadaun ida lakon vida iha Munisipiu Atauro tanba kauza husi ai hanehan.

 Enkuantu, dadus vítima dezastre naturais ne'ebé APS rejistu husi Janeiru to’o Setembru 2023 hamutuk 2.298 no ema ne'ebé lakon vida durante fulan sia (9) nia laran hamutuk 30.

Husi dadus ne'e, APS konsege apoiu ona material rekoperasaun hamutuk 183 no hela 963 mak seidauk apoiu material rekoperasaun.

Xefe akresenta, vítima ne'ebé hetan ona ápoiu rekoperasaun husi Munispiu Manufahi hamutuk 57, Likisa 62, Aileu 33, Bobonaro hitu (7) no Ainaro ida (1).