Konsellu Estadu hanesan orgaun konsultivu Prezidente Repúblika nian ba asuntu politiku, bazeia ba Konstituisaun RDTL artigu 90 no 91. No Konsellu Superior Defeza no Seguransa hanesan orgaun konsultivu Prezidente Repúblika nian ba asuntu defeza, seguransa no soberania, bazeia ba konstituisaun RDTL artigu 148.
Porta Voz João Aparício hatete, Prezidente Republika Jose Ramos Horta fo posse ba membru foun Konsellu Estadu nian no mos Konsellu Superior Defeza no seguransa
“Ita hotu hatene katak Konsellu Estadu hanesan orgaun politiku de konsulta do Prezidente Republika, ne'e duni kompete ba Konsellu Estadu pronunsia konaba konjuntu de aktus responsabilidade Prezidente Republika ninian,” dehan Porta vos iha Palasiu Prezidensial Aitarak-laran, Segunda (11/09).
Portavoz afirma, tuir mai Konsellu Estadu fó Konsellu ba Prezidenti Republika iha asuntus politikus no mos asuntus militares tantu iha nivel nasional no nivel internasional, nee mak knar esensial konsellu Estadu ninian.
Enkuantu, membru foun Konsellu Estadu nian hamutuk 14 mak hanesan Prezidente Parlamentu Nasional (PPN), Maria Fernanda Lay, Primeiru-Ministru (PM), Kay Rala Xanana Gusmão, Ex-PR, Major-Jeneral Taur Matan Ruak, Ex-PR, Francisco Guterres Lú-Olo.
Membru na'in lima (5) nomeadu husi Prezidente Republika mak Abilio da Conceição de Araujo, Maria Domingas Fernandes Alves "Mikato", Tenente-Jeneral Tito da Costa Cristovão "Lere Anan Timur", Madre Guilhermina Marçal no Milena Pires.
Membru na'in lima (5) seluk nomeadu husi Parlamentu Nasional mak Virgilio Smith "Cranek", Jacinto Viegas Vicente "Roke", Numinando S. Martins "Buras", Ricardo da Costa Ribeiro no Josefa Alves Pereira Soares.
Entertantu, Membru foun ba Konsellu Superior Defeza no Seguransa hamutuk 13 mak hanesan Primeiru-Ministru, Kay Rala Xanana Gusmão, Ministru Negósius Estranjeirus no Kooperasaun, Bendito dos Santos Freitas, Ministru Defeza, Contra-Almirante Donaciano do Rosário Gomes, Ministru Interior (MI) Francisco da Costa Guterres, Ministru Justisa (MJ), Amândio de Sá Benevides.
Iha mós Reprezentante PN Deputada Maria Terezinha da Silva Viegas, Mandati Dias Ximenes no Deputadu Duarte Nunes, Xefe Estado Maior Generál das F-FDTL, Tenente-General Falur Rate Lack, Komandante Jerál PNTL, Komisáriu Jerál Henrique da Costa, Diretór Jeral Servisu Nasional Intelijensia (SNI), Longuinhos Monteiro, Júlio Tomas Pinto no Nuno Manuel Corvelo de Andrade Sarmento (Nomeadu husi Prezidente Republika).
Hafoin remata fó pose ba membru Konsellu Estadu no Konsellu Superior Defeza no Seguransa, Prezidente Republika kontinua prezide lidera reuniaun ba dahuluk hamutuk ho Membru konsellu rua hodi ko'alia kona ba funsaun membru sira nian bazeia ba lei no rejimentu.
Entertantu, membru hirak ne'e sei hala'o sira nia mandatu durante tinan lima.
