Husi orsamentu hirak ne’e, fahe ba kategoria lima mak hanesan, salariu investimentu $4,345,680.00, Bens Servisu $2,216,907.00, transferensia publika $250,000.00, Kapital menor $808,726.00 no kapital dezenvolvementu nia entegra ba Ministeriu Planeamentu Investimentu  Estratéjiku no Insfraestratura.

" Provisoriamente kapital dezenvolvimentu nian zero, maibé la signifika ita la halo mais entegra ba Ministeriu Planeamentu Investimentu Estratéjiku no Insfraestratura," dehan Sekretariu Estadu Domingos Mariano Reis ba jornalista INDEPENDENTE iha nia knaar fatin, Kaikoli, (27/12).

Nia informa, apoiu emerjensia nia ba transferensia publika ho montante $250.000.00 no  osan hirak ita sei rekolla ba fundus kotizensia bainhira mosu emerjensia bo'ot ho klaminidade.

Programa prioriedade ba Sekretariu Estadu Protesaun Sivil nian maka revisaun lei baze Protesaun Sivil, instala numeru emerjensia nia ba Autoridade Protesaun Sivil , hametin porta leste kooperasaun entre Timor-Leste ho nasaun vizinu sira.

Autoridade Protesaun mantein nia planu ba apoiu emerjensia no Kooperasaun ba vitima sira ne'ebe hetan estragus husi dezastre naturais.