Tuir Komunikadu ne’ebé Online INDEPENDENTE asesu iha Pajina Ofisial Banku Nasional Komersiu Timor-Leste katak, pagamentu ba terseira idade no ba Ema ho Defisiensia sei hahú iha segunda, loron 20 Janeiru to’o 20 Fevereiru tinan 2025, iha sukursal ualo (8), hanesan Aileu, Ainaro, Dili, Líkisa, Manatuto, Manufahi, Oecusse no Vikeke tuir lista ne’ebé oferese husi Institutu Nasional Seguransa Sosial (INSS).
“BNCTL husu ba benefisiariu, reprezentante ka erdeiru sira ne’ebé halo levantamentu ba subsidiu ne’e, tenke la’o tuir orariu, kumpri kondisaun ka prosidementu ne’ebé mak BNCTL emiti antes ona iha faze anterior,” Online INDEPENDENTE sita iha komunikadu ne’e (15/01/25).
Komunikadu ne’e Haktuir tan katak, Loron pagamentu iha munisipiu ualo ne’e hotu-hotu hanesan iha loron 20 fulan-Janeiru, tinan ne’e.
Nune’e, iha Munisipiu Manatuto, BNCTL sei halo pagamentu ba benefisiariu hamutuk 1,775 no pagamentu sei remata iha loron 28 Janeiru, Vikeke benefisiariu hamutuk 8,423 no pagamentu sei remata iha loron 11 fulan Fevereiru.
Munispiu Dili, BNCTL sei halo pagamentu ba benefisiariu hamutuk 7,234, pagamentu ne’e sei remata iha loron 13 Fevereiru, Munisipiu Aileu benefisiariu hamutuk 3,851, no pagamentu sei remata iha loron 03 fulan fevereiru, Ainaro Benefisiariu hamutuk 5,392,no pagamentu sei remata iha loron toil fulan-Fevereiru.
Enkuantu, ba Munisipiu Manufahi total benefisiariu hamutuk 4,851, no prosesu pagamentu sei remata iha loron 18 Fevereiru, no Munispiu Likisa benefisiariu 3,702 no bagamentu sei remata iha 23 Fevereiru, ikus liu Munispiu Oecusse benefisiariu hamutuk 7,055 no prosesu pagamentu sei remata iha 10 Fevereiru.
