“Númeru kazu detetadu foun 170 ho taxa pozitividade 12.9 no  kazu rekuperadu iha na’in 80,”dehan nia iha komunikadu neebé Online INDEPENDENTE, asesu kuarta nee.

Nunee, munisípiu ida la iha ona kazu ativu, enkuantu, munisípiu 10 ho RAEOA sei iha kazu esporádiku no Kapitál Díli ho transmisaun komunitária.

Ho nunee, total komulativu kazu konfirmadu sura husi loron 21 fulan-marsu 2020 too 16 fevereiru 2022 hamutuk 22.047 no óbitu hamutuk 124.

Entretantu, iha oras 24 nia laran, teste PCR neebé Laboratóriu Nasionál Saúde halo iha Dili hamutuk 461, kompostu husi, vijilánsia sentinela na’in 9, rastreiu ba kontaktu 49, rastreiu aleatóriu 188 no viájen internasionál hamutuk 215.

Aleinde, teste PCR ne’ebé halo iha 15 fevereiru iha munisipiu sira seluk, RAEOA no HNGV hamutuk 210.

“Ohin Izolamentu Vera Cruz no Lahane halo tratamentu hospitalizadu ba kazu detetadu pozitivu hamutuk 16 kompostuV husi, Izolamentu Lahane na’in 9 no Vera Crus na’in 7,”haktuir komunikadu refere.

Haree ba númeru kazu neebé kada loron aumenta, Ministeriu Saúde nafatin apela ba populasaun iha Díli laran no mós iha munisípiu sira seluk, atu aprezenta-an iha fasilidade saúde ne’ebé besik, bainhira sente isin-manas, kakorok moras, inus-ben, ka mear, hodi bele hetan atendimentu husi profisionál saúde sira.

Nunee mós ba populasaun sira iha Timor-Leste laran tomak, maski simu ona vasina, favor respeita nafatin regra ba prevensaun.