14 Novembru: Positivu Foun Laiha, Kazu Ativu Mantein 12

By Saturnina da Costa Novembru 14, 2021 283
Mediku sira ne'ebe halo tratamentu ba kazu positivu Covid-19. Foto:INDEPENDENTE. Mediku sira ne'ebe halo tratamentu ba kazu positivu Covid-19. Foto:INDEPENDENTE.

DILI: Sala Situasaun Sentru Integradu Jestaun Krize (SIJK), ohin (14/11) laiha rejista kazu foun Covid-19, nune’e kazu ativu nafatin 12.

Kordenador Forsa Tarefas ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo, hatete, munisipiu 10 ho Rejiaun Administrativu Espesial Oekuse Ambeno (RAEOA) laiha ona kazu ativu, maibé munisipiu rua seluk sei iha kazu esporádiku.

“Ohin Sentru Integradu Jestaun Krize la rejista kazu rekuperadu,”dehan nia iha komunikadu ne’ebé Online INDEPENDENTE asesu, domingo ne’e.

Nune’e, komulativu kazu konfirmadu sura husi loron 21 fulan-Marsu tinan 2020 to’o 14 Novembru 2021 hamutuk 19.809 no komulativu kazu óbitu hamutuk nain 122.

Ho nune’e, husi horseik (13/11) mai ohin teste PCR ne’ebé Laboratoriu Nasional Saúde halo iha Dili hamutuk na’in 79, kompostu husi, vijilánsia sentinela na’in 2, random screening na’in 6 no viájen internasional na’in 71.

Aleinde, teste PCR ne’ebé halo iha munisipiu sira seluk, RAEOAno HNGV hamutuk na’in 16.

Iha loron 14 Novembru 2021, Izolamentu Vera Crus, Lahane, HNGV no fatin seluk iha teritoriu laran tomak, halo tratamentu óspitalizadu ba kazu detetadu positivu  hamutuk na’in rua.

Entretantu, iha loron 12 to’o 13 Novembru 2021, SIJK mós larejista kazu foun Covid-19.

Rate this item
(0 votes)

Independente Digital TV

Tuir ami iha Twitter

Kalendariu Notisia

« May 2024 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31