Tuir Akuzasaun husi Ministériu Públiku (MP) ne’ebé Tribunál lee sai katak iha loron 14 fulan Dezembru 2016 tuku 7:00 dader Otl iha Dare aldeia Fatunaba, lezadu Lucas Rodrigues fo han hela fahi iha uma sorin no kuru be atu fase liman.

Derrepente argidu Lucas mai husi uma hodi dehan, nusa baku hau nia fahi halo mate.

Maibé lezada hataan, o nia fahi han ha’u nia ai dila nebe lezado kuda besik dapur.

Arguidu lori liman tuku hirus matan, tuku tebe dala barak iha kotuk laran no tuku iha kanuruk to’o monu.

Nune’e lezadu bolu arguidu  Abel atu rezolve problema ne’e iha lezadu nia uma.

To’o iha  uma, argidu Abel lori ain tebe lezadu monu, arguidu kontinua  tuir ba tebe iha kidan ho kotuk halo moras.

Tanba ne’e MP akuza arguidu hanesan au-tór materiál ba krime ofensa integridade fíziku simples artigu 141 númeru 1 kódigu penál ho lei Violénsia Doméstika 145 kódigu penal Timor Leste.

Hatan ba akuzasaun ne’e arguidu deklara ba Tribunál katak, Balun los balun la los.

“Laos hau mak ba husu, maibe hau nia mae  mak ba husu, hau mai tuir iha sala deit. Hau ba husu fahi ne se nian, se hau nian entaun ne’e o nian hotu. Ne’ebé nia hataan dehan fahi ne’e tenke halo luhan. Hau dehan beikten, buat hanesan ne’e la presiza baku mate fahi ne’e. Entaun nia mos se isin mai dehan baku tok.  Entaun la konsege baku malu tanba ema sorry tiha, hau mos dada ferik oan ba dadaun ona. Maibe, bin mak trata fali hau dehan maupagador, uluk kik fo eskola, ne’e mak hau senti ladiak, hau halai fila mai hasoru hodi tebe nia to’o monu,” dehan arguidu ba Tribunál Kuarta (19/04) Horisehik iha TDD.

Iha fatin hanesan lezadu Salvador Rodrigues mos informa ba Tribunál katak, Momentu ne’e fahi han nia aidila ne’e bebeik ona.

“Hau fo atensaun dala hira ona, ikus liu mak hau hare aidila ne’e mate hotu ona, hau nia fuan ne’e moras tebes ba servisu vontade la iha. Dader hau hein fahi ne’e lori ai 57,  baku atu fahi nee halai laos atu halo mate. Nune’e, loraik hau fila husi servisu fatin, alin ne’e mai hakilar o han tiha fahi ne’e. Maibé  hau dehan tur lai mak  koalia, o hakarak hau fo fali 1 ka 2. Nia  lakohi, ne’ebe hau dehan nusa, entaun nia mai tuku, tebe hau too monu”, dehan lezadu ba Tribunál.

Iha kalan atu ba rezolve ne’e lezadu  seidauk koalia dehan tanba sa mak problema ne’e mosu, la kleur Abel dehan tanba sa mak ita bolu polisia, nune’e arguidu  basa no tuku tan lezadu.

Depois tebe lezadu kona lezadu nia hirus matan to’o  monu.

Rona tiha deklasaun husi parte rua ne’e Tribunál adia julgamentu ne’e ba fali loron 11 Maiu  2017 tuku 9:00 Otl hodi rona testemuña.

Iha audensia julgamentu ne’e prezide husi Juis Singular  Maria Modesta, Ministériu Públiku reprezenta husi prokuradór  Hipólito Santa, arguidu hetan asisténsia legal husi defensór públiku Sérgio Dias  Quintas.