Liu husi interogatoriu dahuluk iha 3 Setembru 2018 , Tribunal Distrital Dili (TDD) deside pena prizaun preventiva ba suspeitu na’in 3 ne’e.
Domingos Alves hetan sona kuak tolu iha nia hirus-matan, kabas no kotuk laran.
Hafoin akontesimentu ne’e, polisia halo kapturasaun ba suspeitu na’in tolu hodi detein iha sela polisia durante oras 72.
Komandante Daruak Polisia Nasional Timor Leste (PNTL) Munisipiu Dili, Superintendent Asistente Euclidis Belo hatete, TDD kondena ona suspeitu sira no polisia lori ona ba prizaun Bekora iha 3 Setembro maizumenus tuku 16:15.
Kona-ba motivu husi kazu ne’e, Euclidis la fó sai ho razaun segredu polisia nian.
Euclidis hatete de’it katak hahalok husi suspeitu na’in tolu ne’e kontra kodigu prosesu penal artigu 123, 124 no lei númeru 5/2017 kona-ba armas branka.
Entertantu, vitima Domingos sei hala’o hela tratamentu saúde iha Ospital Nasional Guido Valadares (ONGV).
