Problema mós hahú mosu entre feen ho la'en ne’ebé harii uma-kain dezde loron 15 Fulan-Dezembru 2015.   Tan ne’e, Feen deside halo akordu ho la'en atu divórsiu (fahe malu).

Arguidu DD ne’ebé laran-moras tan nia feen deside divórsiu aproveita halo agresaun fíziku hasoru nia feen.

Tuir akuzasaun husi Ministériu Públiku, iha 15 Outubru 2014, tuku 7 : 00, kalan  Arguidu DD nia maun  José Deus nia uma, arguidu basa lezada nia hasan karuk no loos, lori kadeira masa baku lezada nia ulun hafoin no foti katana atu taa lezada, maibé nia maun mak salva lezada.

Hahalok arguidu nia lezada sente moras iha nia isin lolon no ba kedan halo tratamentu saúde.

Tan ne’e, lezada JD ne’ebé laran moras, ikus mai,  iha loron 15 Outubru 2014 deside ba buka arguidu nia feen ki’ik iha Ai tarak Laran. Maibé  iha momentu ne’ebá lezada la konsege hasoru arguidu nia feen ki’ik.

Maibé, lezada tama uma laran hodi tesi estraga roupa arguidu nia feen ki'ik  nia.

Ho hahalok hirak ne’e, MP konsidera arguidu hanesan ko’a autór materiál ho forma konsumadu ba pratika ida violénsia doméstika ho forma ofensa integridade fíziku simples ne’ebé previstu iha artigu 145 husi kódigu penál.

Molok ne’e, Arguidu ho lezada presta ona deklarasaun iha tribunál.

MP arrola testemuña arguidu nia atu mai presta deklarasaun, maibé  la marka audiénsia.

Ho razaun ne’e, Tribunál adia julgamentu ba loron 2 fulan-Abril 2019, tuku 4:30 loraik hodi rona deklarasaun testemuña.

Audiénsia julgamentu ne’e prezide husi juis singulár Maria Salona, Ministériu Públiku reprezenta husi prokuradór Nelson Carvalho no  arguidu hetan asisténsia legál husi defensór Públiku.