Antes atu halao julgamentu ne’e Tribunál husu ba lezada atu dada fali keisa ne’e, lezada mos hatan tia ona maibé husu ba Tribunal katak arguidu sira atu husu deskulpa ne’e tenke fó osan $200 tanba iha momentu ne’eba ha’u ba halo tratamentu iha Ospital no baixa loron 4 nia laran.

Maibé arguidu sira mos promote ba Tribunál katak, sira sei fó osan tuir lezada husu, no arguida sira sei entrega osan ne’e iha loron 6 Maiu 2018 mai iha Tribunál mak Tribunál fó ba lezada.

Tribunál rona husi arguida sira nia deklarasaun Tribunál mos konkorda hodi arguidu sira nia osan.

Maibé Tribunál sei seidauk fó dame ba lezada ho arguidu sira tanba tuir lei ne’e arguida sira entrega osan hafoin Tribunál fó dame ba sira.

 Tuir akuzasaun husi Ministériu Públiku katak, Iha loron 12 marsu 2013 tuku 2:00 lezada ho nia prima sira paula hamutuk ho arguida ho naran inisial MCC (Marcia Chanse da Crus) YN (Yanty Nabuasa)  LAF (Ligia Adelaide Fatima)  mak telefoni ba lezada nia subrinha barba hodi konvida lezada atu lao halimar iha tasi ibun, tanba arguida sira saudades tebes maibe lezada nia subrinha barba tauk la konsege tanba tauk sira nia inan aman.

 Tanba ne’e arguida nain rua deretamente ba iha lezada nia uma, arguida YN  tama liu husi odamatan kuzinha nian hodi baku lezada nia subrinha Barba, nune’e Barba halai ba uma oin. Iha neba arguida M  tebe Barba dala ida kona iha kutuk laran.

Maibe iha altura ne’eba lezada ba iha arguida sira nia uma atu koalia didiak maibé arguida hatan ba lezada katak o mos hotu ga ne mak lezada hatan ba arguida katak be nusa tanba  ne’e arguida  Y tebe dala iha lezada maibé la kona.

Iha tempu hanesan arguidu MN (Marten Nabuasa) hanesan arguida sira nia aman  kaer lezada nia liman maka arguida M tebe dala ida iha lezada nia kabun kidun, arguida Y atu ba baku tan lezada maibé la konsege tanba lezada halai. Arguida LAF  mos tebe kona iha lezada nia ain fuan hodi halo naksalak bubu no moras.

Iha akuzasaun laran arguidu M  hatete ba lezada katak ,”sorte o feto o mane ida karik ha’u oho tia o,”

Konsekuensia husi arguidu sira nian halo lezada hetan moras  no bubu iha isin lolon.

Tanba ne’e mak mp akuza arguida sir aba iha oifs ho kunjuga ho lei violensia domestiku nnebe prvistu iha artigu 145 husi kodigu penal.

Audensia julgamentu ne’e preside husi juis singular Sribuana da Costa, Ministériu Públiku reprezenta husi prokuradór Afonso Lopes, arguidu hetan asistensia legal husi defensór Públiku Olga Bareto.