Ho atetude ne’e, familia husi cleaner office ne’e tenke ba hatan iha tribunal no hetan Termu Identidade Rezidensia (TIR).

Tuir krolojia, membru polisia ida deskonfia baku sira-nia cleaner office, tan ne’e familia husi cleaner ne’e mai hodi husu polisia refere.

Maske ho intensaun di’ak, maibé bainhira to’o iha edifisiu polisia, membru familia ne’e la kolabora no hahú halo konfrontasaun.

Tan ne’e, membru PSIK sira hahú halo asaun hodi baku no hatama familia cleaner ba sela detensaun hafoin PSIK loke prosesu investigaun iha Ministériu Públiku.

Ba kestaun ne’e, hafoin interogatoriu dahuluk, familia cleaner office, Isabel, informa ba jornalista sira katak polisia xoke ninia subriña ne’ebé nu’udar cleaner office.

“Ha’u-nia subriña polisia sira soke tiha ne’e. Seidauk di’ak maibé alta tiha, ba uma ona. Ha’u mós husu ba polisia sira par tenke rezolve,” dehan Isabel.

Tan ne’e, Isabel dehan parte familia hakarak justisa ba ema ne’ebé xoke sira-nia subriña ne’e.

“Kuandu rezolve tuir familia ne’e ami lakohi tanba ami-nia subriña kanek ona, no mós ami hakarak prosesu ne’e ba oin atu nune’e bele mós kondena ema ida xoke ne’e. Ha’u mós husu ba Ministériu Públiku atu loke prosesu ne’e ho lalais,” katak nia.

Entretantu, iha interogatoriu dahuluk, tribunal aplika aplika TIR ba arguidu na’in 6.

Tuir advogadu privada Virna de Carvalho, prosesu investigasaun la’o hela. Tribunál aplika TIR ba arguidu sira hodi hein prosesu investigasaun husi Ministériu Públiku.