DILI: Servisu Migrasaun iha fronteira envolve kobransa ilegál barak. Durante ne’e dala balun halo servisu la tuir regra prosedimentu legál, tanba ne’e iha kazu lubun ida submete ona prosesu justisa.

Ministru Interiór Interinu, Filomeno Paixão, kosidera Servisu Migrasaun iha fronteira halo kobransa la tuir regra. Prosesu balun haruka ona ba Komisaun Anti Korrupsaun (KAK) hodi halo investigasaun.

DILI:Servisu Imigrasaun kobra osan hosi sidadaun estranjeiru sira ne’ebé hala’o atividade illegal iha Timor-Leste.

Durante hala’o operasaun iha fulan-Janeiru–Fevereiru 2017, Servisu Imigrasaun hatama osan ba konfre estadu hamutuk, rihun $32. 225.

Osan ne’e, hetan hosi sidadaun estranjeiru sira ne’ebé selu multa ba vistu servisu nian.

“Iha fulan rua nia laran ami halo infrasaun ba sidadaun estranjeiru sira ne'ebé viola vistu durante Servisu Imigrasaun halo operasaun,”dehan Komandante Operasaun Servisu Imigrasaun, Inspetór Asistente, Vicente Gusmão  ba jornalista iha Vila-Verde Dili, Kinta (16/02).

Vicente dehan, sira nia parte haruka ona osan sira ne’e ba kofre estadu.

Ba oin, Servisu Imigrasaun sei kontinua halo operasaun  ba sidadaun estranjeiru sira ne’ebé viola regra TL.