Komandante Jerál PNTL, Faustino da Costa hateten, balun ne'ebé hala'o juramentu ba partidu polítika balun komandu PNTL ne'e dehan sei haree tuir regulamentu ne'ebé iha.

"Komandu iha kompeténsia atu haree ba oin seidauk bele publika, maibé sei la'o tuir regulamentu komandu polisia nian ne'ebé iha", dehan nia, hafoin soru-mutu ho Primeiru Ministru, Taur Matan Ruak, iha Palasiu Governu, horisehik.

Nia hatutan, regulamentu sira seluk kona-ba konstituisaun RDTL hateten PNTL halo seguransa apartidaria nem tanba partidu polítika.

Alende ne'e, iha rezolusaun ne'ebé hasai iha tinan ba kotuk zero toleránsia ba polisia envolve arte-marsiál, nune'e partidu ne'ebé de'it polisia labele tama.

Kona-ba preokupasaun sosiedade sivíl katak Lei Orgánika PNTL nian copy-paste husi Portugál, nia dehan, ne'e sei hanesan ezbosu hodi bele diskute hamutuk, nune’e bele iha mudansa.

Entretantu, iha soru-mutu ho primeiru ministru, ko'alia kona-ba preparasaun Primeiru Ministru atu vizita Komandu Jerál PNTL no planu balun iha ministériu interiór nian.