Tuir Babo katak, livremente atu rezigna tuir ida-idak nia hanoin no vontade, tanba Primeiru Ministru Taur Matan Ruak mós la pretende atu hasai.

“Hanesan ha’u dehan katak hanesan mós membru partidu ne'ebé hetan ona imformasaun maske seidauk simu notifikasaun individual ba ami ida-idak, informasaun ne'ebé liu husi media hatete katak partidu nia pozisaun hanesan instituisaun laiha ona iha koligasaun, maibé hanesan membru governu individual sei halao serbisu tuir mandatu ne'ebé Primeiru Ministru fó,”dehan Presidente Consellu Politika Nasional, Babo iha salaun Ministériu Finanas, Aitarak laran,(13/05)

Nia dehan, partidu CNRT hasai katak membru sira livre no vontade atu deside, se sira hakarak atu mantein maka durante mandatu labele ko’alia reprejenta partidu.

"Hanesan ne'e de’it la dehan tenke sai ka lasai, entaun kestaun ida ne'e maka ita haree,"tenik nia.

“Primieru Ministru fó hela fiar mai ami halo serbisu ida ne'e, tanba ita ko’alia kesatun de estadu, partidu troka, governu troka ne'e normal iha prossesu demokratiku, naran katak priensa rekejitus no kumpri rekejitus hotu,"tenik nia

Antes ne’e, Vise Presidente CNRT, Virgilio Smith fó xamada ba nia membru sira iha VIII Governu atu rezigna an.

Nia dehan, karik la rezigna an signifika hakotu ona sira nia relasaun politika ho partidu CNRT.