×

Atenção

JUser: :_load: Não foi possível carregar usuário com ID: 424

JUser: :_load: Não foi possível carregar usuário com ID: 425

SEPFOPE Apoiu Mákina Kostura 5 Ba Prizioneiru Sira

By Fevereiru 21, 2017 1134
Ministru Justisa Ivo Valenti ho SEPFOPE, Ilidio Ximenes intrega makina konstura ba prizioneiru sira Ministru Justisa Ivo Valenti ho SEPFOPE, Ilidio Ximenes intrega makina konstura ba prizioneiru sira

DILI: Sekretáriu Estadu Polítika Profisionál no Empregu (SEPFOPE) fó apoiu ba mákina kostura lima (5) ba prizioneiru sira iha prizaun Bekora.

Apoiu ne’e entrega diretamente hosi SEPFOPE, Ilídio Ximenes da Costa asiste hosi Ministru Justisa, Ivo Valente ba membru prizioneiru sira.

Ilídio dehan, papél SEPFOPE  fó apoiu mákina kostura ne’e atu ajuda membru prizioneiru sira ne’ebé iha kriatividade atu halo atividade suku ropa durante iha komarka laran.

“SEPFOPE agradese bele servisu ho Ministériu Justisa hodi fó apoiu ba mákina kostura ne’e ba belun prizioneiru sira,” dehan Ilídio iha Prizaun Bekora, Segunda (20/02).

SEPFOPE mós fó ona apoiu ekipamentu hanesan karpintaria, suldadura ba prizioneiru sira iha Gleno-Ermera hodi utiliza produs tijolu.

Iha fatin hanesan Ministru Justisa, Ivo Valenti hato’o agradese ba apoiu SEPFOPE bele ajuda prizioneiru sira.

“Agora ba oin, imi (prizioneiru) nia kontribuisaun ituan ka barak  halo servisu ba no aban bairu imi sai hosi fatin ne’ebé bele halo buat ruma iha família,” dehan Ivo.

Ivo hosu ba prizioneiru sira atu uza ekipamentu sira ne’e ho kuidadu hodi dura ba tinan naruk.

Tuir lei governu iha kompeténsia atu fó formasaun ba prizioneiru sira atu bele dezenvolve sira nia aan durante iha prizaun.

 

Rate this item
(0 votes)

Independente Digital TV