Domingu, 19 Maiu 2019 | Login
NSA Esforsu Lori Populasaun Livre Husi Moras Póliu

NSA Esforsu Lori Populasaun Livre Husi Moras Póliu

DILI: Diretór Rejionál Organizasaun Mundiál Saúde (OMS) ba Rejiaun Sudeste Aziátiku (RSA), Doutór Poonam Khetrapal Singh ho aniversáriu ba dala  neen husi kazu virus póliu ikus liu iha Rejiaun Sudeste Aziátiku,

OMS orgullu ho nasaun hirak ne’ebé kontinua nafatin sira nia esforsu atu proteje labarik sira husi virus ne’ebé bele hamosu kondisaun defisiénsia no mantein nafatin rejiaun ne’e atu livre husi moras póliu, maski hasoru dezafiu boot.

Nia dehan, hasoru situasaun limitasaun vasina injetavel hodi dezativa póliu (IPV), nasaun hirak iha RSA uza alternativu doze fraksional IPV, intervensaun ne’ebé bazeia ba evidénsia, ne’ebé la'ós de’it garante katak nasaun hirak ne’e bele kontinua proteje labarik sira kontra tipu virus póliu hotu, maibé tulun mós atu salva vasina – movimentu ida ho intensaun atu fó impaktu pozitivu ba fornesimentu vasina globál iha tinan hirak tuir mai.

Índia sai ona hanesan nasaun dahuluk ne’ebé introduz doze fraksional husi IPV iha programa imunizasaun ba labarik sira iha ninia estadu/territóriu uniaun hamutuk 36 iha inisiu tinan 2016, ne’ebé oras ne’e sei implementa tan iha nasaun laran tomak.  

Nasaun Sri Lanka mós halo tuir ona inisiativa ne’e iha fulan Jullu 2016.  Bangladesh deside ona atu introduz doze IPV fraksional iha tinan ida ne’e.  

Nasaun hirak seluk iha Rejiaun ne’e nia laran mós konsidera ona mudansa atu uza doze IPV fraksional iha sira nia oráriu imunizasaun.

Estudu balun konfirma ona katak doze fraksional rua (doze fraksional ida iha montante un-sinku husi doze kompletu) husi IPV, fó dala rua ba kosok-oan – fó uluk bainhira kosok-oan halo semana neen hafoin fó tan bainhira kosok-oan halo semana 14 – tanba protesaun kontra virus póliu hotu uza doze IPV kompletu ida.

Bainhira uza IPV fraksional, nasaun hirak ne’e salva ona vasina no kustu vasina, no la sakrifika fali protesaun ne’ebé vasina ne’e oferese ba labarik sira hodi kontra póliu.

Hahú husi sertifikasaun kondisaun livre husi póliu iha loron 27 Marsu 2014, nasaun hotu iha Rejiaun Sudeste Aziátiku kontinua halo esforsu hodi bele implementa estratéjia globál hodi hapara póliu, nune’e bele atinji mundu ne’ebé livre husi póliu.

RSA hanesan Rejiaun OMS dahuluk ne’ebé kompleta ona mudansa vasina polio husi utilizasaun trivalente orál tradisionál (tOPV) ba vasina bivalenti (bOPV) hodi prevene kauza paralizia ruma husi  liu husi estirpe poliovirus tipu 2 iha iha tOPV.

Hanesan parte ida husi estratéjia hapara póliu globál, nasaun hirak iha Rejiaun laran introduz ona IPV hodi kompleta vasina momentu orál (OPV), no garante protesaun kontra tipu virus póliu hotu, no globalmente, programa ne’e mós iha intensaun atu hapara tranzmisaun virus póliu no hapara utilizasaun OPV. 

Data – 13 Janeiru – hanesan tempu ikus liu ba virus póliu ne’ebé ataka labarik ida iha Rejiaun Sudeste Aziátiku iha tinan 2011, no momentu ne’e tenke sai hanesan momemntu ne’ebé fó hanoin nafatin nasaun hotu kona-ba nesesidade atu kontinua fornese asisténsia vasina momentu ba labarik hotu no haforsa liu tan vijilánsia ba moras nune’e virus momentu labele mai ataka fila fali labarik sira iha ita nia Rejiaun.(KI)

Read 364 times
Rate this item
(0 votes)