Kinta, 09 Abril 2020 | Login
Agio Pereira Agio Pereira

Tempu Badak PN sei Retifika Tratadu FM Featured

DILI: Governu Timor-Leste iha planu atu lori dokumentu tratadu Fronteira Marítima ne’ebé asina ona entre Estadu Timor Leste ho Austrália, ba Parlamentu Nasionál hodi diskute no retifika.

Ministru Estadu Prezidénsia no Konsellu Ministru, Hermenegildo ‘Agio’ Pereira hateten, prosesu atu halo retifikasaun dokumentu ba tratadu Fronteira Marítima atu debate plenária PN fasil tebes.

“Ita nia prosesu ne’e simples hela, tanba ministru haruka ba PN halo rezolusaun ida ba Prezidente Repúblika, nune’e Xefe Estadu publika iha Jornál Repúblika”, dehan nia, iha Uma Fukun PN, horisehik.

Eis-Ministru Delimitasaun Fronteira hateten, Governu Austrália hahú haree ona atu halo retifikasaun tanba iha ona Parlamentu Austrália nian, nune’e prosesu diskusaun sei la’o hela.

Maski nune’e, akordu ne’ebé Estadu Timor-Leste ho Austrália hala’o iha Kuartél Jerál ONU, Novaiorke, dokumentu ne’e rasik eis-Ministru Adjuntu Primeiru Ministru ba Delimitasaun Fronteira Marítima no atuál Ministru Estadu Prezidénsia no Konsellu Ministru, Agio Pereira, entrega ona akta ba Governu.

Maibé, mosu impase polítika nune’e PN hetan disolve ikus mai dokumentu retifikasaun Fronteira Marítima seidauk lori ba PN halo diskusaun.

Ne’e duni Agio dehan, bainhira programa Governu halo diskusaun remata, sei marka ajenda ho Prezidente PN hodi lori dokumentu tratadu FM mai PN hodi diskute.

Tanba ne’e, nia konsidera prosesu atu diskusaun ba retifikasaun dokumentu Fronteira Marítima ne’ebé planu atu debate la’ós difisil tanba dokumentu hotu kompletu, nune’e hein halo retifikasaun. 

Read 5002 times
Rate this item
(0 votes)
MidAd1